LEXO PA REKLAMA!

SHKARKO APP

Noka paralajmëron Lindita Nikollën/ Do t'ju padis, pse më keni nxjerrë nga grupi i PD-së

21 Dhjetor 2022, 16:08, Politikë CNA
Noka paralajmëron Lindita Nikollën/ Do t'ju padis, pse më
Deputeti i Partisë Demokratike, Flamur Noka,

Deputeti i Partisë Demokratike, Flamur Noka, ka folur me tone të ashpra në Kuvend për përjashtimin e tij nga grupi parlamentar i PD-së.

Noka i kërkoi llogari kryetares së Kuvendit, Lindita Nikolla, për këtë vendim, ndërsa e paralajmëroi edhe me padi.

“Më nxirr dokumentin ku unë kam kërkuar të jem jashtë grupeve parlamentare dhe të iki nga grupi parlamentar i PD-së ose më nxirr vendimin mbi bazën e të cilit ti zonjë i ke dhënë të drejtë vetes të përjashtosh nga grupi parlamentar i PD-së ose më nxirr një vendim të këtij parlamenti që na ka shpallur armik, ndryshe nesër dorëzoj padinë”, u shpreh ai.

Ndërkohë, Nikolla tha se ky vendim është marrë nga grupi parlamentar.

“Ju bëj me dije se nuk është as çështje e Kushtetutës dhe as e Kodit Zgjedhor. Unë kam marrë në administrim një vendimmarrje të grupit parlamentar të PD-së, në zbatim të rregullores së Kuvendit çdo vendimmarrje lidhet me zbatimin e brendshëm të tyre. Ka pasur raste si nga opozita dhe pozita përjashtimi nga grupi parlamentar. Ndaj ju bëj me dije se çështja që parashtroni nuk është një çështje imja", theksoi ajo ndër të tjera./ B.A. - CNA.al

Lajmet e fundit nga