web counter
LEXO PA REKLAMA!

SHKARKO APP

App Store
Google Play

E fundit!

x

Nafta kontrabandë në anije/ Deputeti demokrat: Kush janë porositësit, nuk po iu hyn gjemb në këmbë

14 Janar 2023, 15:57, Aktualitet CNA
Nafta kontrabandë në anije/ Deputeti demokrat: Kush janë
Foto ilustruese

Deputeti i Partisë Demokratike, Dashnor Sula, ka reaguar në lidhje me kapjen e 62 mijë litra naftë kontrabandë në Portin e Durrësit.

Në një postim në rrjetet sociale, Sula ngre pikëpyetjen për porositësit e naftës, ndërsa shprehet se është thyer embargoja me Libinë.

Ndër të tjera, deputeti shkruan se, në pranga po bien vetëm "peshqit e vegjël" ndëra porositësit nuk poi u hyn asnjë gjemb në këmbë.

“Kush janë porositësit e naftës kontrabandë?

Në mënyrë të përsëritur në Shqipëri futet naftë kontrabandë. Kohët e fundit skandali është zgjeruar pasi jo vetëm kontrabandohet nafta, por thyhet edhe embargo e vendosur me Libinë. Dje policia lajmëroi se ka kapur 62 mijë litra naftë në dy peshkarexha.

Nga ana e policisë lajmi shitet si një arritje, por ajo që shqetëson shqiptarët është fakti se nga kush ka frikë shteti që nuk deklaron apo nuk ndëshkon porositësit e naftës. Si në rastin e parë edhe në këtë të dytin policia mburret se kapja u bë pas veprimeve të koordinuara me partnerët, por në fakt nuk e lejon operacionin e jashtligjshëm që të shkojë deri në fund në mënyrë që të zbulohen edhe porositësit e vërtetë të naftës.

Si në rastin kur u sekuestrua anija cisternë në verë, por edhe dje, në prangat e policisë kanë rënë vetëm ata që në zhargon quhen peshqit e vegjël. Nuk i hyn asnjë gjëmb në këmbë atyre që porosisin naftën.

Nëse policia arreston vetëm kapitenët e anijeve, trafikantët e naftës e kanë të lehtë të gjejnë kapitenë të tjerë dhe të bëjnë sërish këtë aktivitet. Ndaj theksoj që problemi i vërtet është porositësi dhe ata që ofrojnë garanci në Shqipëri që këto aktivitete të funksionojnë”, shkruan deputeti Dashnor Sula./ CNA.al





Lajmet e fundit nga