web counter
LEXO PA REKLAMA!

SHKARKO APP

App Store
Google Play

Rikthehet Gledis Nano/ Flet për grupe në Polici që shkelin ligjin dhe abuzojnë

14 Janar 2023, 12:42, Aktualitet CNA

Rikthehet Gledis Nano/ Flet për grupe në Polici që shkelin ligjin

Ish drejtori i Policisë Gledis Nano u largua nga detyra në fillim të muajit Gusht.

Vetëm 10 muaj zgjati post drejtues i policisë së shtetit nga Gledis Nano. Shkarkimi i tij u lajmërua nga ministri Bledi Çuçi.

Kur kanë kaluar rreth 6 muaj, nga largimi i tij, Nano ëhstë shfaqur sërish dhe kësaj radhe me anë të një interviste. për “5pyetjet.al”.

Në intervistë sërish ai ka folur për individë apo grup në policia që kanë shkelur ligjin.

 “Nëse do të rrija një çast apo një ditë më tepër në detyrën e Drejtorit të Përgjithshëm të Policisë së Shtetit, e di fare mirë, që ai njeri apo ai grup individësh që shkelin ligjin apo abuzojnë me të drejtën dhe lirinë e dikujt tjetër, do të përjetonin një çast apo një ditë më tepër, peshën e pasigurisë. Dhe kështu do të vijonte dhe vetëm kështu mund të ishte”, ka thënë Nano.

Ai tregon më tej, se ka vijuar itinerarin  e tij, me angazhime akademike, intelektuale, por edhe me obligimet familjare, sidomos me fëmijët

“Ka gjithmonë një kohë për të vepruar, siç ka edhe një kohë për reflektim. Terreni preket gjithmonë nga erozioni, ashtu si edhe moti nga rituali i stinëve dhe çdokush, ashtu si edhe unë, duhet të jetë i vetëdijshëm dhe mëse i bindur, për vendin dhe rolin që e pret në këtë cikël evolutiv”, ka thënë Nano./CNA.al





Lajmet e fundit nga