web counter
LEXO PA REKLAMA!

SHKARKO APP

App Store
Google Play

E fundit!

x

Jorida Tabaku, në delir/ Gati për paradën e radhës në parlament

16 Janar 2023, 14:11, Aktualitet CNA

Jorida Tabaku, në delir/ Gati për paradën e radhës në

Deputetja e PD-së, Jorida Tabaku, është shfaqur gati për paradën e radhës në sesionin e ri parlamentar.

Përmes një postimi në rrjetet sociale, ku shihet e kuruar nga koka te këmbët, Tabaku në delir tregon se është në gatishmëri të qytetarëve.

Mjaft e qeshur siç duket në foton e postuar në rrjetet sociale, Tabaku thotë se do të dorëzojë paketën antikorrupsion me 7 ligje të propozuara nga Partia Demokratike dhe flet për ekonominë e cila sipas saj do të godasë xhepat e qytetarëve shqiptarë. 

Duket se Tabakun e bëjnë të qeshë situata e vështirë ekonomike të cilën e paralajmëron për vitin 2023 dhe shqetësimet e qytetarëve për të cilat ajo mendon se si t’i zgjidhë në paradën e radhës.

"Politika  në shërbim të shqetësimeve të qytetarëve!

Sot nis sesioni i ri parlamentar i cili është një sfidë reale për ta përdorur politikën në shërbim të shqetësimeve të qytetarëve dhe jo shqetësimet e qytetarëve për luftën pa kuptim të së përditshmes politike.

Përballë një qeverie që sot është e mbuluar nga skandalet, përballë një sistemi që po prodhon rrënim moral e politik, gjithmonë kam menduar që vlen oferta. Si?! Gjatë këtij sesioni unë do të angazhohem të çoj përpara nisma ligjore që kanë për synim:

1.     Luftën kundër korrupsionit duke dërguar në komisione parlamentare paketën anti-korrupsion me 7 ligje të propozuar nga Partia Demokratike.

2.     Luftën kundër monopolizimit të tregut duke luftuar në Gjykatën Kushtetuese për zhbërjen e ligjeve që ngrenë borde si ai i naftës dhe ushqimeve.

3.     Luftën për mobilitetin social përmes integrimit të ligjeve dhe nismave që këshillohen nga progres raporti i BE që mundësojnë mobilitetin social.

4.     Luftën kundër sistemit të pandershëm të politikave fiskale ku në qendër nuk janë qytetarët por oligarkët.

5.     Procesi i integrimit të vendit në BE duhet të jetë një proces kombëtar që prek dhe revolucionarizon jetën e qytetarëve në çdo cep të Shqipërisë.

Ky do jetë realisht një vit i vështirë, ku situata ekonomike do të godasë xhepat e familjeve shqiptare. Koha të ndryshojmë fytyrën e një vendi që nuk ka përse emigron në Europë kur mund dhe duhet të ndërtojmë Europën këtu!

Koha është që të ndërtojmë një politikë e cila ndihmon zgjidhjen e shqetësimeve të shqiptarëve! Koha ta kthejmë parlamentin në arenë debati politik e jo arenë ku hidhet baltë e llum! Politika duhet të jetë ndryshe!

Koha të nisim të ndërtojmë Europën këtu!, shkruan Tabaku./ CNA.al





Lajmet e fundit nga