LEXO PA REKLAMA!

SHKARKO APP

Afera e djegësve/ Iranianët financojnë inceneratorin e Tiranës

14 Prill 2023, 12:46, Politikë CNA
Afera e djegësve/ Iranianët financojnë inceneratorin e
Foto ilustruese

Ditë pas dite, dalin fakte të reja në lidhje me aferën e inceneratorëve. Duket se tentakulat e tyre zgjaten edhe më tej, deri në Iran. Së fundi, fakuzat e reja tregojnë se iranianët po financojnë inceneratorin e Tiranës. 

Ish kryeministri Sali Berisha, i cili është shprehur se po riciklohen dhe lahen paratë e iranianëve. 

Unë preferoj tani të ndalem edhe njëherë tek afera e inceneratorëve me theksin te pista iraniane.

Para jush, dhe më parë, unë kam denoncuar me dhjetëra e dhjetëra herë lidhjet e Erion Veliajt me Teheranin.

Edhe në atë kohë kur, afera e djegësve nuk ekzistonte.

Erion Veliaj ka bërë udhëtime, sipas shërbimeve partnere, të vërtetuara, bënte udhëtime në Teheran, por në një kohë kur prokuroria, SKAP-i i partisë, nuk pranon të merret me një hetim të vërtetë të djegësve, në një kohë kur SKAP-i i partisë, deklaron që nuk e di se kush janë pronarët, dokumente të pakundërshtueshme ligjore dëshmojnë një lidhje shumë të ngushtë të pronarëve në aparencë Bruno Presecit me iranianin Ali Aliabadi, ish-komandant i Pasdaranit.

Dëshmitari i grupit Preseci, u deklaroi Piranjave se në aferën e djegësve, Erion Veliaj riciklon dhe lan paratë e Iranit”, tha Berisha.

Më tej, ai ka nxjerrë para mediave, fotografinë e Miliad Lopës, me Qazim Sulejmanin, ish-komandanti i Gardës Revolucionare, i dënuar me vdekje nga SHBA-ja.

“Tani, një nga pikat kyç, siç u informova javën e kaluar, është edhe miku i Erion Veliajt, Miliad Lopa. Besoj se u kujtohet.

Unë do t'u tregoj një foto, e bërë në Lugano të Zvicrës, në të cilën Miliad Lopa është, sipas këtij burimi, me ministrin e Mbrojtjes të Iranit dhe përveç tij, sipas këtij burimi, me Qazim Sulejmanin, njeriun që mori raketë të merituar në aeroportin e Irakut me urdhër të presidentit Trump.

E kuptoni se ku shkojnë lidhjet e Erion Veliajt? Për takimet e Erion Veliajt me Miliad Lopën, janë të qarta.

Por ekzistojnë të dhëna se Erion Veliaj ka bërë udhëtime, qoftë në Itali, qoftë në Iran, me Miliadin, që është fluent në farsi, në gjuhën perse, një nga gjuhët kryesore në Iran.

Personi që përshëndet me dorë në këtë foto, është vetë Qazim Sulejmani, ish-komandanti i Gardës Revolucionare, i dënuar me vdekje nga SHBA-ja”, u shpreh Berisha./ CNA.al

Lajmet e fundit nga