LEXO PA REKLAMA!

SHKARKO APP

Presidenti Biden bën gafën “e pafalshme” në Irlandë/ Shkakton polemika në Britani

13 Prill 2023, 20:32, Politikë CNA
Presidenti Biden bën gafën “e pafalshme” në
Presidenti i SHBA-ve, Joe Biden

Presidenti i SHBA-ve, Joe Biden ka bërë një gafë gjatë vizitës së tij në Irlandë, që ka shkaktuar polemika në Britani.

Gjatë ndalesës në një pijetore irlandeze, Biden tentoi të nderonte kushëririn e tij, Rob Kearney. Ky i fundit është një lojtar ragbi, skuadra irlandeze e të cilit mundi ekipin dominues “All Blacks” të Zelandës së Re në vitin 2016.

Por në vend që të thonte se kushëriri i tij fitoi ndaj ekipit “All Blacks”, Presidenti amerikan tha se fitoi ndaj “Black and Tans”.

“Black and Tans” është një emër poshtërues që i është vënë rekrutëve të policisë britanike të caktuar për të luftuar Ushtrinë Republikane Irlandeze në vitet 1920.

“Ai ishte një lojtar i fortë (eg.hell) ragbi dhe ai mundi Black and Tans”, tha Biden.

Kështu ai, pa dashur, për shkak të një gafe u përfshi në një debat që prek inatet politike të Britanisë së Madhe dhe Irlandës.

Ndërkohë, kujtojmë se kjo nuk është e vetmja gafë e Presidentit të SHBA, pasi edhe herë të tjera Biden është ngatërruar duke shkaktuar të qeshura e duke bërë xhiron e rrjetit./ CNA.al

Presidenti Biden bën gafën “e pafalshme” në

Lajmet e fundit nga