E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Zgjedhjet e 14 majit/ Thirrja e Begajt: Denonconi çdo intimidim dhe shantazh

13 Prill 2023, 11:20, Politikë CNA

Zgjedhjet e 14 majit/ Thirrja e Begajt: Denonconi çdo intimidim dhe

Presidenti Bajram Begaj

Presidenti Bajram Begaj, në një deklaratë për mediat ka përcjellë mesazhin për drejtuesit e institucioneve dhe strukturave të angazhuara me zgjedhjet e 14 majit.

“Sigurimi i standardeve zgjedhore, garanci i përfaqësimit të vullnetit të qytetarëve. Procesi zgjedhor të jetë i drejtë e i paanshëm, i bazuar në kushtetutë e ligj, detyrim thelbësor ndaj vendit. Të miradministrohen zgjedhjet, të përmbushen standardet e pacenueshme demokratike. Eksperiencat e mëparshme na kanë përballur jo rrallëherë me fenomene negative. Institucionet jo gjithmonë kanë reaguar me sukses ndaj tyre. Kuadri ligjor i zgjedhjeve është më i plotë dhe instrumentet mbrojtëse më të avancuara”, ka thënë Begaj.

Begaj u ka bërë thirrje qytetarëve që të ushtrojnë të lirë vullnetin e tyre. Gjithashtu ka ftuar të denoncohet çdo lloj intimidimi apo shantazhi nga partitë politike.

Presidenti thekson se shitblerja e votës, keqpërdorimi i burimeve shtetërore, financimet e paligjshme dhe jotransparente të partive politike dhe manipulimi zgjedhor janë të patolerueshme.

“Shitblerja e votës, keqpërdorimi i burimeve shtetërore janë të patolerueshme. Financimet e paligjshme dhe jo transparente të partive politike, manipulimi zgjedhor janë të patolerueshme. Subjektet të mos denigrojnë njëri-tjetrin. Etika e garës dhe e komunikimit të rrezatojë qytetari, mirësjellje dhe respekt.

Media, aktor i rëndësishëm për garantimin e një procesi sa më të lirë. Zgjedhjet, rol vendimtar për forcimin e besimit në institucionet e vendit dhe anëtarësimin në BE. Tek unë do të gjeni dëgjuesin e vëmendshëm, tek Institucioni i Presidentit mbështetje të palëkundur. Në asnjë rrethanë nuk duhet të shtrembërohet dhe tjetërsohet vullneti dhe vota e lirë. Ushtroni vullnetin tuaj, të mirinformuar dhe krejt të lirë. Çdo intimidim apo shantazh duhet të denoncohet e dënohet! Zgjedhjet nuk janë të partive politike, por janë për qytetarët shqiptarë, janë për Shqipërinë”, është shprehur Begaj./ CNA.al