web counter
LEXO PA REKLAMA!

SHKARKO APP

App Store
Google Play

Ilir Meta mbledh strukturat e PL-së/ Porosi të vetëve për fushatën zgjedhore

12 Prill 2023, 20:28, Politikë CNA
Ilir Meta mbledh strukturat e PL-së/ Porosi të vetëve për
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka zhvilluar mbrëmjen e sotme një takim me strukturat e PL-së, ku ka dhënë porositë e tij për fushatën zgjedhore të 14 majit.

Meta tha se PL do të mbajë çdo premtim që ka dhënë. Ai i kërkoi strukturave të dalin në terren dhe t’ju shpjegojnë bizneseve e sipërmarrjeve programin për uljen e taksave.

“Mesazhin e Tiranës do e dëgjojë gjithë bota. Programi i kandidatit tonë, ka krijuar entuziazëm tek kryeqytetasit, sepse më në fund po vjen një kandidat me plan për disa oligarkë e plaçkitës. Përshëndes këshilltarët për punën e shkëlqyer që po bëjnë, ka vend për të shtuar ritmin e komunikimit me qytetarët, sepse ka një program të shkëlqyer me të cili keni të drejtë morale çdo qytetari t’ju votojë.

Programi për uljen e taksave ndihmon çdo sipërmarrës e qytetar të Tiranës sepse ul koston e biznesit dhe jetesës. Tre janë problemet më të mëdha në Shqipëri, kostoja e jetesës që vjen nga korrupsioni, vetë korrupsioni si baza e varfërisë, si dhe largimi i fuqisë punëtore e të rinjve.

Ajo që është e sigurt është që PL-së ju siguron që do t’i qëndrojmë besnik gjithçkaje që premtojmë. Të luftojmë për të rinjtë e rejat sepse vetë anketa e INSTAT që është nën kontrollin e Ramës, kishte një fakt shqetësues.

1/3 e të rinjve 20-24 vjeç nuk janë as në shkollë e as në punë, pra nuk e dinë se ku janë. janë në një gjendje të dëshpëruar. Në shkollë e kanë të vështirë të shkojnë sepse familjet e kanë të vështirë t’i mbështesin. Kam një lutje, pranë çdo biznesi e sipërmarrjeje shpjegoni uljen e taksave dhe mënyrën se si do të përfitojnë prej tyre”, tha Meta./ CNA.al





Lajmet e fundit nga