web counter
LEXO PA REKLAMA!

SHKARKO APP

App Store
Google Play

E fundit!

x

45 minuta takim me Escobar/ Meta zbardh pikat kyçe të diskutimit

12 Prill 2023, 12:55, Politikë CNA
45 minuta takim me Escobar/ Meta zbardh pikat kyçe të diskutimit
Ilir Meta dhe Gabriel Escobar

Kreu i Partisë së Lirisë, Ilir Meta, ka zbuluar detajet dhe çështjet që u diskutuan në takimin 45-minutësh me të dërguarin e Posaçëm të SHBA-së për Ballkanin Perëndimor, Gabriel Escobar.

“Mirëprita ditën e sotme Zëvendësndihmëssekretarin e SHBA-së për Çështjet Europiane dhe i Dërguari i Posaçëm për Ballkanin Perëndimor, Z. Gabriel Escobar.

Vlerësova komunikimin e hapur për të gjitha çështjet që diskutuam në takim.

Theksova rëndësinë e ruajtjes së përbashkët të partneritetit dhe aleancës strategjike, midis Shteteve të Bashkuara të Amerikës dhe Shqipërisë.

Për Shqipërinë, aleanca me SHBA-në është themelore për demokracinë, zhvillimin ekonomik, sigurinë e vendit dhe të rajonit.

E falënderova për mbështetjen e projektit të bazës së NATO-s në Kuçovë, si dhe ndihmën e jashtëzakonshme për forcimin e kapaciteteve mbrojtëse të sigurisë kibernetike.

Vlerësova se angazhimi i SHBA-së në procesin e negociatave mes Kosovës dhe Serbisë është thelbësor dhe garantues drejt përfundimit me sukses të dialogut mes dy vendeve.

Theksova se zgjedhjet e 14 majit janë një ditë e madhe e ndryshimit për të gjithë shqiptarët, që do t’i japin fund monizmit në pushtetin vendor dhe do të rikthejnë demokracinë, transparencën dhe llogaridhënien në të gjitha bashkitë e vendit.

Nënvizova vendosmërinë e Partisë së Lirisë për të përmbushur të gjitha detyrimet që burojnë nga partneriteti dhe aleanca strategjike midis Shqipërisë dhe SHBA-së.

Po kështu, shpreha vendosmërinë e Partisë së Lirisë, për të përshpejtuar procesin e integrimit Europian të vendit, me prioritet luftën kundër korrupsionit dhe forcimin e shtetit të së drejtës”, shkruan Meta./ CNA.al





Lajmet e fundit nga