web counter
LEXO PA REKLAMA!

SHKARKO APP

App Store
Google Play

E fundit!

x

“Nevoja për ndryshim, ulëritëse”/ Meta: Do ta nxjerrim Elbasanin nga varfëria

12 Prill 2023, 08:50, Politikë CNA
“Nevoja për ndryshim, ulëritëse”/ Meta: Do ta
Foto ilustruese

Kreu i Partisë i Lirisë, Ilir Meta, ka deklaruar se një nga kërcënimet kryesore për familjet shqiptare është varfëria, të cilën e ka cilësuar si një kambanë alarmi, duke theksuar se nevoja për ndryshim është ulëritëse.

Ndër të tjera, Meta shprehet se së bashku me kandidatin e opozitës, Luçiano Boçin, janë të vendosur të nxjerrin Elbasanin nga lista e qarqeve më të varfra në Shqipëri.

“Varfëria përbën një nga kërcënimet kryesore të familjes shqiptare dhe kambanat e alarmit sot janë të mëdha mbi familjet në Qarkun e Elbasanit, që është qarku i dytë më i varfër në vend.

Në Elbasan, nevoja për ndryshim është ulëritëse.

Në Elbasan, mbrojtja e familjes dhe rikthimi i shpresës tek të rinjtë është emergjencë. Duhen propozime dhe plan konkret!

Ne dje ndërmorrëm hapin e parë, prezantuam propozimet tona konkrete në tryezën “Të Mbrojmë Familjen dhe të ardhmen e fëmijëve tanë”, që Partia e Lirisë organizoi në qytetin e Elbasanit.

Kënaqësi që në këtë tryezë të kishim prezent Kryebashkiakun e ardhshëm të Elbasanit, z.Luçiano Boçi dhe Kryebashkiaken e ardhshme të Prrenjasit, znj. Suzana Topi, të cilët janë kaq shumë të përkushtuar për t’ju shërbyer qytetarëve, për të hartuar dhe propozuar politika konkrete dhe të çmuara, që e fuqizojnë familjet, që i japin shpresë të rinjve, që i nxisin dhe inkurajojnë ata të krijojnë familjet e tyre dhe ta ndërtojnë të ardhmen e tyre në Shqipëri. 

Ne jemi të vendosur ta nxjerrim Elbasanin nga lista e Qarqeve më të varfëra të Shqipërisë. Ne jemi të vendosur për fuqizimin ekonomik të familjeve dhe krijimit të mundësive për të rinjtë dhe të rejat e mrekullueshme të Elbasanit, Cërrikut, Librazhdit, Prrenjasit, Gramshit, Peqinit dhe Belshit.

Bashkë Fitojmë”, shkruan Meta./ CNA.al





Lajmet e fundit nga