web counter
LEXO PA REKLAMA!

SHKARKO APP

App Store
Google Play

E fundit!

x

PS çel fushatën/ Rama: Krenar për vlerën e shtuar që kemi sjellë në Shqipëri

11 Prill 2023, 18:14, Politikë CNA

PS çel fushatën/ Rama: Krenar për vlerën e shtuar që

Partia Socialiste pasi përfundoi mbledhjen me kryesinë është drejtuar në sheshin “Skëndërbej” ku ka çelur zyrtarisht fushatën për zgjedhjet e 14 majit.

Kryeministri Edi Rama ka mbajtur fjalën e hapjes së fushatës ku ka deklaruar se të fituarit e zgjedhjeve është një përgjegjësi e madhe pasi fitorja duhet kthyer në vlera të shtuar për Shqipërinë.

Rama ndër të tjera ka theksuar se tashmë Shqipëria është një vend tjetër në sytë e botës pasi marrëdhëniet me ndërkomnbëtarët janë në nivelin më të lartë.

“Këto ditë nis zyrtarisht fushata jonë e 9 që kur unë drejtoj PS, kemi fituar 7 nga 8 palë zgjedhje, kemi humbur vetëm një në 2009, që më shumë se sa e humbëm, na e morën, sidoqoftë, të fitosh zgjedhjet është një gjë, ndërsa një gjë tjetër është ta kthesh fitoren në vlerë, për komunitetin, jam krenar për vlerën e shtuar që fitoret e PS kanë sjellë për Shqipërinë, sot jemi një vend krejt tjetër në sytë e botës, na janë besuar role parësore si në OKB, sot marrëdhëniet ndërkombëtare janë në nivelin më të lartë, janë miqësore, aktive, takimet e nivelit të lartë janë pjesë e punës si faktor me peshë në rajon, ky aspekt i transformimit ka një rëndësi për vendin, se do të thotë jo vetëm ndryshim, por ndryshim i botës së jashtme ndaj nesh dhe kjo sjellë më shumë vëmendje dhe interes, si një destinacion për të punuar, investuar dhe jetuar. Rritja e paimagjinueshme e turistëve është vetëm paralajmërimi kuptimplotë e një të ardhme me shpresë, aty e ka bazën transformimi si dita me natën. Zgjedhjet kanë shumë rëndësi për një vend, sesa çfarë gabimisht mendojnë shumë prej zgjedhësve duke mos dhënë votën, sa shumë punë nuk do ishin bërë pa votën e PS, dhe sa shumë dëme do ishin shmangur pa votën e PD”, tha ai./CNA.al

 





Lajmet e fundit nga