web counter
LEXO PA REKLAMA!

SHKARKO APP

App Store
Google Play

E fundit!

x

Këshillat bashkiakë/ Meta: Rama i do kandidatët vetëm për të firmosur “fët e fët”

10 Prill 2023, 22:17, Politikë CNA
Këshillat bashkiakë/ Meta: Rama i do kandidatët vetëm
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta ka hedhur akuza ndaj kryeministrit Edoi Rama, teksa ka folur për kandidatëte  këshillave bashkiakë.

Meta tha se Rama i ka mbushur listat me vartës ndryshe nga opozita që ka në lista personalitete.

Ai deklaroi në një dalje televizive se kreu i qeverisë i do këshilltarët për të firmosur “fët e fët” vendimet që i merr vetë ai.

“Atë prap e kanë vënë të parën është një zëvendësministre, vartëse e Edi Ramës. Nuk është problemi i saj, është rëndësia që iu jep Edi Rama këshillave, ato i ka thjesht për të firmosur ‘fët e fët’, asgjë tjetër të jesh i sigurt. Kush është në krye të listës sonë në Tiranë, Ilir Alimehmeti, e njihni ju? Ka njeri që nuk e njeh? Është personalitet i shëndetësisë, një figurë mjaft humane, pranë qytetarëve dhe gjatë krizës së pandemisë dhe në vazhdimësi por edhe figurë qytetare në mbështetje të kauzave të drejta qytetare. Kemi një gazetare shumë të njohur Beti Njuma, përfaqësuese e shoqërisë civile, një përfaqësuese e lirisë së medias, e një televizioni që është intimiduar seriozisht nga ky regjim.

Ne kemi në Tiranë në listën tonë, Arben Tafajn që e njohin të gjithë president i shoqatës ‘Tirana’. Kemi një kolegen tuaj Alba Kepi një tjetër figurë nga shoqëria civile që kthehet nga Italia për të kontribuuar për Tiranën edhe si një qytetare e këtij komuniteti. Dhe kemi shumë personalitet të tjera që padyshim tregojnë që ne nuk po çojmë kukulla, ne po çojmë njerëz me personalitet. Ne po çojmë njerëz që t’i dalin për zot problemeve që ka Tirana sot dhe që do të ketë në ardhmen dhe këtë gjë jemi përpjekur ta bëjmë kudo në të gjithë Shqipërinë”, theksoi kreu i PL-së./ CNA.al





Lajmet e fundit nga