Luan Rama, kritikon opozitën për sloganin/ Nga duart apo nga mendja?

10 Prill 2023, 18:49, Politikë CNA

Luan Rama, kritikon opozitën për sloganin/ Nga duart apo nga mendja?

Gazetari Luan Rama

Koalicioni “Bashkë Fitojmë” do të hapë këtë të shtunë zyrtarisht fushatën me një takim që do të mbahet te stadium “Air Albania”.

Për këtë takim opozita ka nxjerrë sloganin “Ndryshimi fillon nga duart e tua”, por gazetari dhe ish-nënkryetari i LSI-së, Luan Rama ka bërë një vërejtje.

Ai thotë se slogani duhet të shprehë në mënyrë shumë të përqëndruar, sa më thjeshtë dhe drejtpëdrejt thelbin e idesë apo të mesazhit që duhet përcjellë tek qytetarët.

Me anë të një statusi në rrjetet sociale, Rama thotë se slogani i opozitës është i gabuar, pasi ndryshimi fillon nga mendja dhe jo nga duart.

Luan Rama, kritikon opozitën për sloganin/ Nga duart apo nga mendja?

Deklarata e plotë:

Një vërejtje për sloganin e opozitës:

Nga duart apo nga mendja?

Ata që merren me organizimin dhe drejtimin e një fushate zgjedhore, e dinë se sa të rëndësishëm janë për fushatën dhe efektivitetin e saj sloganet që zgjedh dhe që përdor një kandidat apo një subjekt që konkuron në zgjedhje.

Sepse slogani duhet të shprehë në mënyrë shumë të përqëndruar, sa më thjeshtë dhe drejtpëdrejt thelbin e idesë apo të mesazhit që duhet përcjellë tek qytetarët.

E mua për këtë arsye, pra për mënyrën se si opozita ka zgjedhur ta përcjellë thelbin e mesazhit të vet, por edhe sepse përgjatë angazhimit tim të gjatë politik më është dashur të merrem me sloganet, me posterat dhe gjithçka tjetër që ka të bëjë me komunikimin publik apo me “propagandën” e fushatës, më bëri përshtypje dhe më tërhoqi vëmendjen njëri prej sloganeve të opozitës, për mendimin tim i konceptuar gabim.

“Ndryshimi fillon nga duart e tua”.

Me këtë slogan, opozita i fton mbështetësit e saj në mitingun çelës të fushatës.

Ndryshimi nuk është çështje duarsh.

E afërmendsh, nëse do që t’i grishësh, t’i joshësh, t’i ftosh dhe t’i bindësh qytetarët që të të ndekin, të të besojnë dhe të të votojnë, duhet ta kesh të qartë më sëpari ti vetë se ndryshimi fillon nga mendja dhe jo nga duart.

Problemi nuk qëndron tek duar, por tek mendja!/ CNA.al