web counter
LEXO PA REKLAMA!

SHKARKO APP

App Store
Google Play

E fundit!

x

Veliaj shfajësohet për inceneratorin e Tiranës/ Kush ka bërë gabime, të mbajë përgjegjësi

10 Prill 2023, 17:27, Politikë CNA
Veliaj shfajësohet për inceneratorin e Tiranës/ Kush ka
Kryetari i Bashkisë së Tiranës, Erion Veliaj

Kryetari i Bashkisë së Tiranës, Erion Veliaj, është shfajësuar për pagesat që vazhdon t’i bëjë për inceneratorin e Tiranës, ku nuk kryhen të gjitha proceset e trajtimit të mbetjeve.

Pavarësisht aferës dhe hetimeve të SPAK, Veliaj tha se do të vijojë pastrimin e plehrave duke bashkëpunuar me inceneratorin e Tiranës.

Ai deklaroi se ata që kanë bërë gabime do të mbajnë përgjegjësi, por theksoi se kjo nuk do ta ndalojë të depozitojë plehrat në landfillin e Sharrës.

“Nëse një projekt ka një problem, atëherë duhet të merremi me problemin, jo të anulojmë gjithë projektin. Fjala vjen: Në qoftë se një punonjës këtu bën një gabim, ushtron dhunë, atëherë duhet të trajtojmë atë person, që ka bërë këtë gabim. Ne nuk mund të themi do mbyllet gjithë ‘Eco Tirana’ sepse një nga shoferët kishte konsumuar alkool. Ti trajton atë problem, ti nuk shkrin gjithë kompaninë. E njëjta gjë vlen edhe për landfillin e Sharrës.

Kush ka bërë gabime, le të mbajë përgjegjësi, por nuk do të thotë se do të ndalojmë së pastruari Tiranën, së grumbulluari plehrat e Tiranës dhe do ndalojmë projektin tonë për një Tiranë xixë, sepse dikush ka bërë një gabim. Kush ka bërë gabim, të mbajë përgjegjësi, por Tirana do pastrohet dhe plehrat do depozitohen. Kur kam ardhur në Bashkinë e Tiranës, përveç se gjeta faturën 60 % me borxhe, gjeta edhe një propozim të atyre që sot kundërshtojnë Bashkinë e Tiranës dhe thonë: ‘Na jepni edhe një shans tjetër’. Ne Ilirit dhe Saliut ia dhamë një shans, nga 2011 deri në 2015. Përveç se na e lanë faturën me 60% borxhe, na lanë edhe një propozim që plehrat në Sharrë të menaxhoheshin me 37 euro për ton. Sot plehrat, Bashkia e Tiranës, me një kontratë shërbimi, jo investimi, i mbledh në gjithë territorin e Tiranës, i çon deri tek trau në Sharrë. Aty peshohen dhe këtë shërbim e bëjmë me 29 euro për ton, jo me 37”, theksoi Veliaj./ CNA.al





Lajmet e fundit nga