web counter
LEXO PA REKLAMA!

SHKARKO APP

App Store
Google Play

Plani i qeverisë për pagën mesatare deri në 900 euro/ Tabaku zbulon arsyen e lëvizjes së Ramës

10 Prill 2023, 13:38, Politikë CNA

Plani i qeverisë për pagën mesatare deri në 900 euro/ Tabaku

Kryeministri Edi Rama, sot deklaroi se vitin e ardhshëm paga mesatare do të jetë 900 euro.

Deputetja e PD-së, Jorida Tabaku, përmes një statusi në rrjetet sociale, ka zbuluar edhe arsyen e kësaj lëvizjeje të Ramës.

Sipas saj, kjo rritje nuk është dobiprurëse dhe as nuk zgjidh problemin e vërtetë që rrezikon ekonominë që janë emigrimi dhe këneta ekonomike, ku jemi prej 10 vitesh.

“Ka një arsye se përse qeveria kaloi tek paga mesatare pasi në buxhetin 2023 u morr me gjithçka përpos kësaj teme: inflacioni socialist që sot ka shënuar rritjen e inflacionit bazë në mbi 8%, më i larti në rajon.

Me çmimet e produkteve ushqimore dhe shportës bazë të rritur me mbi 10%. Ndërkohë që ekonomia prashikohet me një rritje të mefshtë 2.2%, qeveria ndërmorri hapin e radhës; taksimin socialist me 23% të shtresës së mesme.

Praktikisht ia rëndoi barrën fiskale gjithë shtresës së mesme me 20 milionë euro pasi ia ka kthyer jetën në ferr për 10 vjet. Perspektiva e rritjes ekonomike dhe zhvillimit ekonomik është në minimum sepse sistemi i ngritur nuk është fizibël dhe as meritokratik.

Prandaj dhe rritja e pagës mesatare me urdhër qeverie as është dobiprurës në afatgjatë dhe as zgjidh problemin e vërtetë që rrezikon ekonominë: emigrimi dhe këneta ekonomike ku jemi prej 10 vitesh.

Reformat që duhet të ndërmerrte një qeveri e shumicës duhet të kishin fokus: konkurencën, tregun e lirë, meritokracinë dhe një politikë fiskale me në qendër qytetarin jo oligarkinë.

Këto reforma duan guxim dhe vullnet politik; të dyja janë cilësi që i mungojnë qeverisë së pakicës. Prandaj zgjidhja e tyre është tatimi socialist, inflacioni socialist dhe një ekonomi ku taksohet 95% e shqiptarëve që të paguhen 5% e oligarkisë!”, shkruan Jorida Tabaku në rrjetet sociale./ CNA.al





Lajmet e fundit nga