web counter
LEXO PA REKLAMA!

SHKARKO APP

App Store
Google Play

Program i fokusuar në zhvillimin urban/ Ermal Dredha: Ndryshimi për të cilin Vlora ka nevojë

9 Prill 2023, 17:22, Politikë CNA
Program i fokusuar në zhvillimin urban/ Ermal Dredha: Ndryshimi për
Kandidati i PS-së për Bashkinë e Vlorës, Ermal Dredha

Kandidati i PS-së për Bashkinë e Vlorës, Ermal Dredha ka zhvilluar takim me strukturat e PS-së në Rajonin 3 në qytet.

Nëpërmjet një postimi në rrjete sociale, Dredha bën me dije se gajtë takimit është diskutuar për ndryshimet në disa sektorë publik kryesor të qytetit.

Kandidati socialist përmendi disa prej tyre, si zhvillimi urban, krijimi i hapësirave të gjelbërta  dhe përmirësimi i infrastrukturës publike te qytetit.

Në takim ishte i pranishëm edhe drejtuesi politik i qarkut, Blendi Klosi.

“Së bashku me drejtuesin politik për Qarkun e Vlorës Z. Blendi Klosi, Kryetarin e PS Vlorë Z. Admir Malaj dhe Deputetes së PS, Qarku Vlorë Znj. Pranvera Resulaj, pata mundësinë të takohem me anëtarët e strukturës së Partisë Socialiste të Rajonit 3 të cilët ishin shumë të motivuar për të vazhduar punën e mirë dhe transformuar qytetin tonë.

Diskutuam mbi ide të ndryshme inovative dhe progresive, si zhvillimi i qëndrueshëm urban, krijimi i më shumë hapësirave të gjelbërta dhe përmirësimin e infrastrukturës publike. Ky është ndryshimi që qyteti ynë ka nevojë, dhe jam krenar që do të punoj në krah të ekipit të Rajonit 3 për ta bërë këtë të mundur”, shkruan ai./CNA.al

 





Lajmet e fundit nga