web counter
LEXO PA REKLAMA!

SHKARKO APP

App Store
Google Play

E fundit!

x

Ermal Dredha, në gjurmët e babit të tij/ Zbulohet detaji rreth kandidatit për kryetar bashkie të PS-së

25 Mars 2023, 15:15, Politikë CNA
Ermal Dredha, në gjurmët e babit të tij/ Zbulohet detaji rreth
Foto ilustruese

Ermal Dredha do të jetë kandidati zyrtar i Partisë Socialiste për Bashkinë e Vlorës.

Ish diplomati  ka kryesuar garën në votimin që është zhvilluar sot në Asamblenë e Partisë Socialiste, përballë kandidatit Fate Velaj.

Dredha është një emër jo pak i njohur për shqiptarët.

Ai ka shërbyer si Konsull i Përgjithshëm i Shqipërisë në Bari, Itali.

Më pas ka mbajtur postin e kreut të Protokollit të Shtetit në Ministrinë e Punëve të Jashtme, deri në vitin 2016 kur edhe u emërua Ambasador i Republikës së Shqipërisë në Abu Dhabi, Emiratet e Bashkuara Arabe.

Dredha ka shprehur dëshirën për të drejtuar Vlorën, po ashtu si babai i tij, Neki Dredha.

Neki Dredha ka qenë një nga kryebashkiakët e Partisë Socialiste në këtë qytet.

Ermal Dredha, në gjurmët e babit të tij/ Zbulohet detaji rreth

Ai e ka mbajtur këtë post nga viti 1998 deri në vitin 2000. Pra ka shërbyer vetëm dy vite në bashkinë e Vlorës.

Neki Dredha ka shërbyer në kohët më të vështira për qytetin e Vlorës. Kur qyteti ishte peng i bandave dhe krimit.

Tani pas 24 vitesh, PS do kandidojë me djalin e tij, Ermal Dredhën.

Për dy mandate me radhë Vlora është drejtuar nga mjeku Dritan Leli, i cili ka vendosur të mos rikandidojë duke qenë se nuk ka prej kohësh mbështetjen e kreyministri Edi Rama dhe të strukturave të partisë.

Pra sfida e Ermal Dredhës do të jetë për të bindur socialistët vlonjatë se ai është kryebashkiaku që i duhet këtij qyteti./ CNA.al





Lajmet e fundit nga