web counter
LEXO PA REKLAMA!

SHKARKO APP

App Store
Google Play

E fundit!

x

Berisha në krah të Këlliçit/ “Shuplakë” Veliajt: Hajdut i pamëshirshëm

25 Mars 2023, 11:18, Politikë CNA
Berisha në krah të Këlliçit/ “Shuplakë”
Foto ilustruese

Kreu i PD-së, Sali Berisha në takimin me të rinjtë e FRPD-së, ka përkrahur kandidatin për kryetar bashkie të Tiranës, Belind Këlliçin.

Berisha u shpreh se Këlliçi është një kandidat i shkëlqyer për Tiranën, ndërsa nuk kurseu as kreun e bashkisë Erion Veliaj.

Berisha e quajti Veliajn kryebashkiak të shtirur dhe hajdut të pamëshirshëm të qytetarëve shqiptarë.

“Ne vendosëm sistemin e primareve dhe sot kandidojmë me 61 kandidatë, me në krye Belind Këlliçin, kandidatin tonë të shkëlqyer për Bashkinë e Tiranës.

Ata nuk janë më kandidatët e kryetarit dhe kryesisë, por janë kandidatët e votës së lirë dhe kjo ka shndërruar një ndryshim shumë të madh në qëndrimin tonë dhe qëndrimin e shoqërisë shqiptare ndaj nesh.

Ju falënderoj që keni ardhur të mbështesni Belind Këlliçin.

Tirana ka nevojë jetike për ndryshim. Unë do u jap vetëm 2-3 tregues të institucioneve prestigjioze ndërkombëtare.

Sot Tirana është në 10 qytetet më të ndotura të planetit. Sot Tirana është ndër 10 vendet me shërbimin shëndetësor më të shkatërruar në planet.

Tirana i ka sot këto sepse ka një falls-kryebashkiak. Nëse do bënit, vizatonit, përshkruanit kryebashkiakun aktual që do dorëzojë së shpejti detyrën, ai është prototipi i një personazhi fake.

Por ai është edhe një vjedhës dhe hajdut i pamëshirshëm i qytetarëve të Tiranës”, është shprehur Berisha./ CNA.al





Lajmet e fundit nga