LEXO PA REKLAMA!

SHKARKO APP

App Store
Google Play

Berisha ngre akuza/ Qeveritarët vjedhin 80-90 % të fondeve në çdo punë publike

24 Mars 2023, 20:17, Politikë CNA

Berisha ngre akuza/ Qeveritarët vjedhin 80-90 % të fondeve në

Kreu i Partisë Demokratike, Sali Berisha ka ngritur akuza duke u shprehur se qeveritarët vjedhin 80-90 % të fondit në çdo punë publike.

Gjatë një fjalimi të mbajtur në Kamëz, Berisha theksoi se për këtë shkak rriten borxhet dhe ulen rrogat.

Më pas kryedemokrati u shpreh se Partia Demokratike do të fitojë në zgjedhjet e 14 Majit për të sjellë dhe ndryshimin e merituar. 

"Këta qeveritarë vendorë dhe qëndror vjedhin 80-90 % të fondit në çdo punë publike, ndaj dhe borxhi rritet, rrogat ulen, shqiptarët largohen dhe vetëm largohen nga Shqipëria. Kjo qeveri rriti taksat për bizneset tuaja, përgjysmuan bizneset. Ku shkuan të tjerët? Ata që falimentuan u larguan dhe largohen.

Kjo qeveri ndërpreu financimet për bujqësinë. Sot Shqipëria financon fermerët shqiptarë 5 herë më pak se Kosova. Sot kjo qeveri nuk jep asnjë garanci për çdo fatkeqësi natyrore që mund të ju ndodhë fermerëve. Ndërkohë që Kosova dhe çdo vend i rajonit, paguan me çmim bazë çdo prodhim të dëmtuar nga shkaqe natyrore, apo shkaqe të tjera.

Pra a mund të vazhdojmë në këtë mënyrë, të na vjedhin dhe të na rrjepin, një grusht qytetarësh si Edi Rama, Rakip Suli që tenderon dy herë një shkollë, siç ka bërë me shkollën ‘Azem Hajdar’. Që rikonstrukton shkolla me çmime 2-3 herë më të larta seç janë ndërtuar nga e para.

A mund të vazhdojmë ne në këtë mënyrë? Jo nuk mund të vazhdojmë. Shqipëria kërkon ndryshimin, dhe ne jemi përgjegjës para vetes tonë, fëmijëve tanë, para njëri tjetrit, për të votuar ndryshimin, për të votuar Arjan Hoxhën, për të votuar kandidatët e primareve. Ne duhet të bëjmë gjithçka që në 14 maj të rivendosim pluralizmin.

Partia Demokratike bëri një gabim të pafalshëm kur nuk mori pjesë në zgjedhjet lokale. Por PD-ja e korrigjon gabimin. Sot po bëjnë gjithçka për ta nxjerrë nga votimet, ne do të marrim pjesë, ne do të fitojmë", u shpreh Berisha./CNA

Lajmet e fundit nga