web counter
LEXO PA REKLAMA!

SHKARKO APP

App Store
Google Play

Berisha i numëron Ramës çështjet në Arbitrazh/ "Gjoba shkon në 1,5 miliardë dollarë"

8 Prill 2023, 20:01, Politikë CNA
Berisha i numëron Ramës çështjet në Arbitrazh/
Kreu i Partisë Demokratike, Sali Berisha

Kryedemokrati Sali Berisha gjatë prezantimit të kandidatit të Fierit, Edvar Kodheli, i ka numëruar qeverisë dhe kryeministrit Edi Rama çështjet që ka të hapura në Gjykatën e Arbitrazhit.

Berisha gjatë deklaratës së tij tha se 156 milionë dollarë janë ndarë nga buxheti i shtetit për të paguar gjobat.

Sipas tij, qeveria ka 12 çështje të tjera të hapura në Gjykatën e Arbitrazhit dhe 5-6 çështje të tjera në Zvicër dhe totali i gjobës për Shqipërinë shkon në 1.5 miliardë dollarë, pra më shumë se 2 vite nga rrogat e shqiptarëve.

"Ky drejtësinë e ka futur në xhep. Shkoni në gjykata. Asnjë gjyq nuk fiton qytetari. Tani mendon se gjykatat ndërkombëtare janë si gjykatat e Tiranës dhe thotë do dal nga Gjykata Ndërkombëtare. Dil provoje njëherë. 156 mln janë ndarë nga buxheti për të paguar gjobat që kemi marrë në arbitrazh. Ju garantoj se me 12 çështje të tjera që ndodhen në të njëjtën gjykatë dhe 5-6 çështje të tjera në Paris dhe Zvicër gjoba e Shqipërisë do të shkojë të paktën 1.5 mld dollarë. Më shumë se 2 vite rrogat e të gjithë shqiptarë. A mbahet një kryeministër i tillë hajdut dhe mashtrues? Kurrën e kurrës. 14 Maji është një ditë që ndan historinë, një ditë ku duhet të bashkohemi të gjithë, demokratë, të paparti, socialistë”, deklaroi ndër të tjera kryedemokrati.





Lajmet e fundit nga