web counter
LEXO PA REKLAMA!

SHKARKO APP

App Store
Google Play

Veliaj në Kishën Katolike te "Rruga e Kavajës"/ "Pa pjesën shpirtërore asgjë s’do ishte e mundur”

8 Prill 2023, 18:13, Politikë CNA
Veliaj në Kishën Katolike te "Rruga e Kavajës"/
Kryebashkiaku i Tiranës, Erion Veliaj

Kryebashkiaku Erion Veliaj ka inspektuar punimet në Kishën Katolike në rrugën e “Kavajës.

Gjatë fjalës së tij Veliaj  tha se tashmë hapësira e kishës është dyfishuar dhe rinkontruktimi i kishës ishte vetëm detyra e bashkisë.

Ndër të tjera Veliaj është shprehur krenar për punën e bashkisë , që ka ndërtuar kopshte, çerdhe, shkolla, por ka theksuar se pa pjesën shpirtëtore asgjë s’do ishte e mundur.

“Më vjen mirë që kisha është dyfishuar si hapësirë. Ne, si bashki, kemi bërë vetëm detyrën, sepse besoj se pjesa më e vështirë nuk është ndërtimi fizik, por ndërtimi shpirtëror për komunitetin. Uroj të jetë një Pashkë e bekuar! Ju falenderoj shumë që më pritët në gjirin tuaj. Ndoshta, kemi më shumë nevojë se kurrë për kujtesën e Pashkës, se jeta e mund vdekjen, se dashuria e mund urrejtjen, se bashkimi e mund përçarjen. Komuniteti katolik është ndoshta një nga komunitetet më të persekutuara nga regjimi komunist, dhe fakti që sot, jo vetëm në fjalët e tua, Padër Zef, por edhe në fjalët e komunitetit, nuk ka urrejtje, nuk ka mëri, nuk ka inat, përkundrazi me shumë përulësi, jo duke harruar të kaluarën, por duke parë nga e ardhmja dhe duke ecur përpara, besoj se i shërbejmë më mirë të gjithëve. Ne do mundohemi të bëjmë pjesën tonë dhe unë jam vërtetë krenar që bëmë shkolla, kopshte, çerdhe, por pa pjesën shpirtërore misioni ynë ishte si i ndërprerë në mes”, tha ai./CNA.al





Lajmet e fundit nga