web counter
LEXO PA REKLAMA!

SHKARKO APP

App Store
Google Play

E fundit!

x

Mazniku rendit punët e Veliajt/ Tre gjërat me të cilat “mburret” bashkia e Tiranës

7 Prill 2023, 23:08, Politikë CNA
Mazniku rendit punët e Veliajt/ Tre gjërat me të cilat
Nënkryetari i bashkisë së Tiranës, Arbjan Mazniku

Nënkryetari i bashkisë së Tiranës, Arbjan Mazniku, është pyetur mbrëmjen e sotme për tre gjërat me të cilat “mburren” socialistët.

Mazniku tha se krenaria më e madhe është rikonstruktimi i strukturës arsimore.

“Gjëja e parë që padyshim është krenaria më e madhe e bashkisë është rikonstrukturimi thelbësor i sistemit të strukturës arsimore. Janë 40 shkolla të reja në të dy mandatet. 36 janë të rikonstrukturuara tërësisht, 20 kopshte të rinj ndërkohë që 25 shkolla janë kthyer në atë që ne i themi qendra komunitare.

Mund të përdoren nga komuniteti pjesën e pasdites. Në 4 vitet pararendës në Tiranë nuk është bërë asnjë shkollë. Ne shkojmë nga 0 shkolla në 40 të reja. Ne sot jemi krenar që çerdhet publike janë kthyer në një zgjedhje të parë për prindërit. Janë po aq të mira sa kopshtet private”, u shpreh ai.

Më tej, nënkryetari i bashkisë tha se dy të tjherat janë projektet transformuese të qytetit dhe infrastruktura publike.

 “E dyta, janë projektet transformuese të qytetit. Sheshi Skënderbej, Bulevardi i Ri, projekti i kalasë, Bulevardi Zogu i Parë, Kopshti Zoologjik, Pazari i Ri dhe një seri projektesh të reja që kanë pasur një forcë transformuese në territorin përreth tyre. E treta është infrastruktura publike”, theksoi Mazniku./ CNA.al





Lajmet e fundit nga