web counter
LEXO PA REKLAMA!

SHKARKO APP

App Store
Google Play

PD: Mesazhi shantazhues i Veliajt për Beccheti-n u kushton shqiptarëve 110 milionë euro

7 Prill 2023, 13:46, Politikë CNA
PD: Mesazhi shantazhues i Veliajt për Beccheti-n u kushton shqiptarëve
Zëdhënësja e fushatës për Bashkinë e Tiranës, Silvi Bardhi

Zëdhënësja e fushatës për Bashkinë e Tiranës, Silvi Bardhi, ka reaguar në lidhje me çështjen "Becchetti", ku në një deklaratë për mediat është shprehur se shqiptarët do të duhet të paguajnë 100 milionë euro për shkak të mesazheve shantazhuese të kryebashkiakut Erion Veliaj ndaj biznesmenit italian Francesco Becchetti. 

“Mesazhi shantazhues i Erion Veliajt ndaj Becchetti-t u kushton shqiptarëve 110 milionë euro.

Përveç shumë taksave e tarifave që ka rritur, përveç sulmit që u bën banorëve me gjoba bashkiake çdo ditë, Erjon Veliaj u ka lënë peshqesh qytetarëve edhe një barrë tjetër.

110 milionë euro është detyrimi që ne, qytetarët e Tiranës, e gjithë vendit do të shlyejmë për Becchetti-n.

Pse? Sepse media e Becchetti-t, nuk ishte në krah të Veliajt, sepse investigimet e kësaj media, i prishën atij humorin.

Dhe ai e kërcenoi sipërmarrësin, pronarin e medias. Pikërisht, mesazhet kërcënuese të Veliajt ndaj Becchetti-t, janë prova që e ka bërë Gjykatën e Arbitrazhit të marrë vendim në favor të sipërmarrësit dhe në dëm të shtetit shqiptar.

Në dëmin tonë, pasi 110 milionë euro, do t’i paguajnë qytetarët, taksapaguesit më të varfër të Europës.

Shihni këtu, ish-Ministrin socialist të Financave, se si e shpjegon këtë çështje:

Arben Malaj, 18 dhjetor 2019: A e dini ju që gjoba 110 milionë dollarë që do të paguajnë taksapaguesit e varfër shqiptarë për Becchetti-n është bazuar në 'sms'-të e Edi Ramës dhe Erion Veliajt që kërcënojnë një media të pavarur, e dini këtë apo jo. 110 milionë. Po gjoba që do t'i vijë Shqipërisë. T'i jap unë tre 'sms' të Veliajt tani që i ka dërguar atij;  mos u merr me dasmën time, mos m’u bë armik se unë të bëj... Në çdo gjykatë ndërkombëtare kur kërcënohet një biznes nga politikan gjyqi është menjëherë i fituar, por këta janë kalamaj, janë të vegjël, nuk e dinë ç’është përgjegjësia ligjore.

Një shembull i thjeshtë: transporti publik falas, një angazhim i kandidatit të opozitës, Belind Këlliçi ka një kosto financiare prej 16.5 mln eurosh në vit.

Kjo, për Veliajn është shumë. Nuk ka pasur ku t’i gjejë ai në 8 vite për qytetarët e Tiranës për të lehtësuar koston e jetesës.

Ndërkohë që, për Veliajn nuk është fare problem që ne të paguajmë 110 milionë euro Becchett-t, thjesht për trillet, tekat dhe humorin e tij personal", ka thënë Silvi Bardhi./ CNA.al





Lajmet e fundit nga