web counter
LEXO PA REKLAMA!

SHKARKO APP

App Store
Google Play

Kandidati i PS-së, i dënuar me 3 vite burg në Greqi/ Bardhi: KQZ ka bërë shkelje, do ta ankimojmë

7 Prill 2023, 13:36, Politikë CNA
Kandidati i PS-së, i dënuar me 3 vite burg në Greqi/ Bardhi: KQZ
Deputeti i PD-së, Gazment Bardhi

Deputeti i PD-së, Gazment Bardhi, në një deklaratë për mediat është shprehur se do të bëjnë ankimin për kandidatin e PS-së, për kryetar Bashkie në Mallakastër Qerim Ismailaj, pasi ky i fundit është i dënuar me 3 vite burg në Greqi.

Bardhi nënvizoi se PD do të zbatojë ligjin e dekriminalizimit, ndërsa shtoi se Ismailaj nuk duhet të kandidojë në zgjedhje.

Më tej ai theksoi se KQZ ka shkelur ligjin duke konfirmuar kandidimin e Qerim Ismailajt në zgjedhjet lokale.

“I përzgjedhuri i Edi Ramës për Mallakastrën ishte i dënuar me 3 vite në Greqi dhe u ishte fshehur autoriteteve greke. Në muajin shkurt të këtij viti Gjykata e Posaçme kundër Korrupsionit e gjeti fajtor Edi Ramën e Mallakastrës, Qerim Ismailaj duke e dënuar me falsifikim të formularëve duke e dënuar me 6 muaj  burg. KQZ dhe Këshilli i Ministrave duhet të kishin urdhëruar shkarkimin e menjëhershëm të  kryetarit të Bashkisë së Mallakastrës, Qerim Ismailaj.

Më datë 5 prill 2023 në shkelje flagrante të ligjit të dekriminalizimit Ilirjan Celibashi ka konfirmuar kandidimin në shkelje të ligjit Qerim Ismailaj. Ne do të depozitojmë dhe ankimimin me qëllim zbatimin e përpiktë të ligjit të dekriminalizimit. Duhet t’i ndalohet kandidimi në zgjedhje”, tha Bardhi./ CNA.al





Lajmet e fundit nga