web counter
LEXO PA REKLAMA!

SHKARKO APP

App Store
Google Play

Në 2015-ën premtoi se s’do ndërtonte kulla/ Veliaj: Sjanë në qendër, ndërtuam hotele me 5 yje

6 Prill 2023, 22:46, Politikë CNA
Në 2015-ën premtoi se s’do ndërtonte kulla/ Veliaj:
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj para se të merrte mandatin e parë në vitin 2015, u zotua se pallatet do t’i ndërtonte sa më larg qendrës së kryeqytetit.

Gjithashtu ai u shpreh donte të mbahej mend si një njeri që krijoi parqe më shumë sesa pallate e kulla.

Lidhur me këtë premtim Veliaj është pyetur mbrëmjen e sotme në emisionin e Erla Mëhillit.

Por kryebashkiaku i Tiranës pretendon se investimet e reja dhe më të mëdha nuk janë në qendër të qytetit.

Veliaj tha se hotelet me pesë yje në qendër të Tiranës, të cilat e bëjnë qytetin të duket si jashtë shtetit, janë të mirëpritura.

“Ne nuk mund të jemi një vend që kërkon të jemi mikpritësit e Kryeqytetit Europian të Rinisë, të Qytetit Europian të Sporteve, të Samitit të Bashkimit Europian me Ballkanin Perëndimor dhe t’iu themi njerëzve vazhdoni shkoni dhe flini në Vorë ose në Durrës ashtu siç ka ndodhur kur kemi bërë samite më përpara dhe nuk i kemi pasur këto mundësi”, theksoi kryetari i bashkisë./ CNA.al





Lajmet e fundit nga