E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Luçiano Boçi tregon synimet/ Do rris katërfish të ardhurat e qytetarëve të Elbasanit

6 Prill 2023, 16:59, Politikë CNA

Luçiano Boçi tregon synimet/ Do rris katërfish të

Kandidati i koalicionit “Bashkë Fitojmë”, Luçiano Boçi

Kandidati i koalicionit “Bashkë Fitojmë”, Luçiano Boçi mblodhi në një tryezë diskutimi ekspertët e turizmit në Elbasan, për të kërkuar mendimin e tyre mbi projektet e propozuara prej ekipit të tij.

Ndërsa sqaroi se mëse 70 persona kanë punuar mbi atë që do të jetë platforma e tij zgjedhore dhe projekti më i mirë për Elbasanin e së ardhmes, Boçi tha se ka si synim të rrisë katërfish të ardhurat e qytetarëve.

“Ka vetëm një cilësor që përdoret për Elbasanin: Ai është i bukur! Sikur ne të përthithim në Elbasan një të pestën e gati 8 milionë vizitorëve që hyjnë në Shqipëri në vit, objektiv i mundshëm, do të kishim jo më pak se 55 milionë euro të ardhura për qytetarët. Synimi ynë në fakt është të arrijmë 4 herë më shumë brenda fundit të mandatit tim”, u shpreh ai.

Luçiano Boçi tregon synimet/ Do rris katërfish të

Kandidati i opozitës shpalosi me pasion idetë e tij për Turizmin Kulturor dhe Kalanë, duke përmendur edhe mëse 80 monumente historike që ka Elbasani.

Ai tha se turizmi shëndetësor me Llixhat dhe SPA-të, turizmi natyror me Gjinarin, Funarin, Shushicën e Byshekun, Shmilin, Labinot Malin dhe shumë thesare të tjerë natyrorë, mbetet detyrim i menjëhershëm për t’u zhvilluar prej tij dhe ekipit që e mbështet.

Duke folur për vizionin e tij mbi Elbasanin, Boçi zbuloi se ai ka nisur bisedimet me Federitaly, mbajtëse dhe promovuese e markës më të madhe në botë “Made in Italy”, për të ndërtuar menjëherë pas zgjedhjeve markën territoriale të mbrojtur dhe të kontrolluar “Made in Elbasan”. Ai e quajti këtë hap një garanci “për të gjithë produktet e këtij trualli të bekuar”.

Luçiano Boçi tregon synimet/ Do rris katërfish të

“Qershia mbi tortë është që në këtë qytet ku socialistët nuk kanë lënë në këmbë as një kinema, ne do të ngremë Qytetin e Filmit”, theksoi ai.

“Rrallë një vend në botë ka kaq pranë e pranë Kalanë romake të banuar, qytetin e ndërlidhur natyrshëm me të, reliket e një industrie të rrëzuar dhe shpatullat e përflakta të metalurgjisë, lumin, liqenet, kodrat e buta, fushat dhe malin... të gjitha në pak kilometra largësi. 80 monumente kulture përfshi rrënoja antike, gjurmë të via Egnatia, ura të lashta dhe pafundësisht histori jetojnë këtu në shtëpinë e tyre. Elbasani është një shesh natyror xhirimi për çdo film të mirë!”, nënvizoi Boçi./ CNA.al