web counter
LEXO PA REKLAMA!

SHKARKO APP

App Store
Google Play

E fundit!

x

Meta i bindur për fitore/ PS s’ka shans t’i afrohet Shkodrës

5 Prill 2023, 19:12, Politikë CNA
Meta i bindur për fitore/ PS s’ka shans t’i afrohet
Kreu i PL-së, Ilir Meta

Kreu i PL-së, Ilir Meta mbajti një takim me strukturat e PL-së në Shkodër, ku ishte pjesë edhe kandidati i koalicionit “Bashkë Fitojmë” për këtë bashki, Bardh Spahia.

Meta renditi disa nga mungesat që ka qyteti i Shkodrës të cilat vijnë si pasojë e keqmenaxhimit të qeverisë.

Ai shprehu me bindje se opozita do të fitojë, teksa tha se Shkodra nuk ka drejtori arsimi, drejtori arkivi, nuk ka Gjykatë Apeli dhe as Gjykatë Administrative.

“Bashkë fitojmë në mënyrën më spektakolare në të gjithë Shqipërinë, frymëzimi i fitores është Shkodra e 6 marsit që e vetme e rrethuar nga të gjitha anët nuk u dorëzua por qëndroi në krah të lirisë demokracisë e interesit kombëtar. Në 14 maj e gjithë Shqipëria do të bëhet Shkodër.

Shkodranët do ta dënojnë në mënyrën më plebishitare se Rilindja ka bërë gjithçka për të zhbërë Shkodrën si një nga qendrat më të mëdha të vendit tonë. Kam një pyetje për të gjithë ju, mund ta përfytyronte dikush që Shkodra të mos ketë sot Drejtori Arsimi? Kush mund t’ia bënte Shkodrës këtë gjë?

Këtë e Bëri Rama dhe Rilindja e tij. Shkodra që është ujëmbledhësi më i madh në Ballkan të mos ketë as Agjenci ujërash as Bordin e Kullimit. Këtë e bëri vetëm Rilindja e Ramës. Shkodra kryeqendër të mos ketë Drejtori Arkivi, Gjykatë Apeli, Gjykatë Administrative, veprime të marra për të ulura peshën administrative, politike të Shkodrës”, deklaroi Meta./ CNA.al





Lajmet e fundit nga