web counter
LEXO PA REKLAMA!

SHKARKO APP

App Store
Google Play

E fundit!

x

Veliaj “sulmon” Berishën/ E do Bashkinë për t’i shpallur luftë Amerikës

5 Prill 2023, 18:37, Politikë CNA
Veliaj “sulmon” Berishën/ E do Bashkinë për t’i
Kryetari i Partisë Socialiste të Tiranës dhe drejtuesi politik i Qarkut, Erion Veliaj

Kryetari i Partisë Socialiste të Tiranës dhe drejtuesi politik i Qarkut, Erion Veliaj, ironizoi kryetarin e PD-së Sali Berisha gjatë një takimi, ku prezantoi zyrtarisht kandidatët e rinj për Këshillin Bashkiak të kryeqytetit.

Veliaj tha nga Teatri Veror i Parkut të Liqenit se Berisha e do Bashkinë për t’i shpallur luftë Amerikës, që e ka shpallur ‘non grata’.

“‘Qoftë largu’ apo ‘larg qofti’, quajeni si të doni, na thoshte na jepni votën që t’i hapim luftë Amerikës. Ne nuk e duam Bashkinë që t’i hapim luftë Amerikës, Anglisë apo Qeverisë sonë, por e duam që ta forcojmë bashkëpunimin. Një votë për PS është një votë për bashkëpunim, për punë, për ta ndihmuar njeri-tjetrin, për ta financuar qytetin, për të mbështetur vendimet e qytetit. Jo si kokë dashi, jo si vare, jo si çekiç, jo si kazëm, për të shkatërruar dhe për t’u përleshur me njëri-tjetrin.

Për të gjithë ata që janë të djathtë u bëj një thirrje: jo vetëm që ne nuk e braktisim detyrën, jo vetëm që nuk gënjejmë, me tram e me çudira të tjera - ai që fiton nuk gënjen dot sepse të hënën pas votimeve do të gdhihet në Bashki dhe do duhet të marrë vendime - jo vetëm kaq, por kemi kuptuar që lufta, pengesat, stërkëmbëshat janë një kohë e humbur që nuk kthehen më”, nënvizoi Veliaj.





Lajmet e fundit nga