web counter
LEXO PA REKLAMA!

SHKARKO APP

App Store
Google Play

Berisha i përgjigjet Yuri Kim/ Thirrje DASH-it, FBI-së dhe Kongresit të SHBA të hetojë ambasadoren

4 Prill 2023, 20:20, Politikë CNA

Berisha i përgjigjet Yuri Kim/ Thirrje DASH-it, FBI-së dhe Kongresit

Kreu i Partisë Demokratike, Sali Berisha i është përgjigjur ish-ambasadores Yuri Kim, e cila është shprehur se është e gabuar që personat të cilët janë akuzuar nga Amerika si të përfshirë në korrupsion të marrin pjesë në zgjedhjet e 14 majit.

Me anë të një postimi në rrjetet sociale, Berisha shkruan se në të vërtetë ish-ambasadorja përpiqet që të fshehë aferat e veta korruptive të denoncuara publikisht.

Berisha i bën thirrje DASH, FBI dhe Kongresin e SHBA të hetojë aferat korruptive të guvernatores Kim përfshirë këtu pronat e saj në Shqipëri.

Postimi i plotë i Sali Berishës:

Përgjigje zj. Yuri Kim.

Të dashur miq, Guvernatorja Yuri Kim në përpjekje për një shërbim të fundit Edi Ramës, foli sot njëlloj sikur të fliste McGonigal me fustan. Por me dekleratën e saj për zjarre dhe zjarrëvënës në të vërtetë ajo përpiqet të fsheh aferat e veta korruptive të denoncuara publikisht, por edhe afera të tjera.

Ftoj inspektorin e përgjithshëm të Departamentit të Shtetit, FBI dhe Kongresin e SHBA të hetojë aferat korruptive të guvernatores Kim përfshirë këtu pronat e saj në Shqipëri.

Partia Demokratike sikundër deri sot është e gatshme të jap kontributin e saj për këtë transparencë.

Partia Demokratike shton se kandidatët e saj nuk janë as të barit as të zjarrit, por janë kandidatët e votës së lirë. Ajo fton çdo shqiptar të marrë ndryshimin në duart e veta për të shpëtuar vendin nga një e keqe që po zgjat më shumë se një dekadë! Bashkë Fitojmë!/CNA





Lajmet e fundit nga