web counter
LEXO PA REKLAMA!

SHKARKO APP

App Store
Google Play

E fundit!

x

Roland Bejko harron bëmat e Alibashëve/ Jep leksione për normat e demokracisë

4 Prill 2023, 15:40, Politikë CNA

Roland Bejko harron bëmat e Alibashëve/ Jep leksione për normat e

Kandidati i grupit të “vulës” për Bashkinë e Tiranës, Roland Bejko, ka folur për normat e demokracisë dhe se si ato janë thelbësore në partinë e PD-së me në krye Enkelejd Alibeajn.

Bejko, kandidati i PD-së, pjesëtarët e së cilës dikur rrihnin demokratët me shkopa bejsbolli, në intervistën e tij për gazetarën Ola Bruko, foli pikërisht për rëndësinë e demokracisë.

Ndër të tjera, Bejko “në delir” ka deklaruar se nëse PD-ja e “vulës” nuk do të regjistrohej në zgjedhje, nuk do të kishte parti demokratike në zgjedhje për herë të parë në 30 vite.

Ashtu sikurse dhe ish-kryetari i PD-së, Lulzim Basha, ishte tepër i mirë me shifrat dhe llogaritë duhet se dhe Bejko e ka trashëguar këtë cilësi duke pohuar se 43% e të djathtëve janë kundër Berishës.

Më tej, Bejko nuk ka hezituar që të tregojë se qëllimi i grupit të Enkelejd Alibeajt nuk ka qenë asnjëherë përçarja.

“E para duhet të mësojmë të flasim me termat e shtetit ligjor, PD-ja është një parti. Është një vendim gjykate që thotë që PD është një ajo e Alibeajt. Njihet si 'Foltore', 'Rithemelim' për të mos e lënë pa emër, pjesën e tij. Berisha e ka çuar majtas me partitë komuniste. Ne jemi e vetmja parti e djathtë në zgjedhje. Po të mos ishte partia jonë nuk do të kishte parti demokratike fare për herë të parë në 30 vite. Ne vendosëm si strategji vendimin e gjykatës, ne menduam të mos bëheshim faktor për përçarjen. Jam kundër negociatave me Berishën. Me Sali Berishën në krye nuk ke shanse të vish në pushtet. Do ta vërtetojmë ndryshe, 43 % e të djathtëve janë kundër Berishës. A do të jemi ne në gjendje që këtë 43% ta bindim do ta shikojmë pas 15 majit”, tha ai./CNA.al

 





Lajmet e fundit nga