web counter
LEXO PA REKLAMA!

SHKARKO APP

App Store
Google Play

E fundit!

x

Meta zotohet para gjimnazistëve të “Gjergj Canco”/ Këlliçi do të jetë mbështetje e sigurt për të rinjtë

4 Prill 2023, 13:34, Politikë CNA
Meta zotohet para gjimnazistëve të “Gjergj Canco”/
Kreu i PL-së, Ilir Meta

Kreu i PL-së, Ilir Meta, u ka premtuar të rinjve të gjimnazit “Gjergj Canco” në Tiranë që Shqipëria dhe e ardhmja e këtij vendi do t’u përkasë të rinjve pas zgjedhjeve të 14 majit.

Meta, nëpërmjet një statusi në rrjete sociale, është shprehur se takimi me gjimnazistët ishte një motivim për të vijuar betejën për zgjedhjet vendore.

Ndër të tjera ai u shpreh se plani i kandidatit të opozitës për Tiranën, Belind Këlliçi, do të jetë një mbështetje e madhe për të rinjtë në Tiranë.

“Takimi me gjimnazistët e shkollës së mesme 'Gjergj Canco' në Tiranë ishte një motivim edhe më shumë për të shtuar vrullin dhe përpjekjet në të gjithë betejën time dhe të Partisë së Lirisë për Shqipërinë që u përket të rinjve.

Pas 14 majit çdo politikë e qeverisjes vendore, dhe shumë shpejt çdo politikë e qeverisjes qendrore do të jetë në funksion të të rinjve.

Nuk ka asgjë më të rëndësishme sesa mbështetja për të rinjtë, që ata të mos mendojnë si zgjidhje largimin nga Shqipëria, por ta ndërtojnë të ardhmen në vendin e tyre.

Bashkia e Tiranës do të jetë shembulli më i mirë i përkushtimit ndaj fëmijëve dhe të rinjve.

Plani i Belindit dhe prania në Këshillin e Bashkisë e shumë të rinjve dhe të rejave nga Partia e Lirisë do jetë mbështetje e sigurt për të rinjtë dhe të rejat e kryeqytetit.

Tirana u përket të rinjve!

Shqipëria u përket të rinjve!

Bashkë Fitojmë!", shkruan ai./CNA.al

 

 

 

 

 





Lajmet e fundit nga