web counter
LEXO PA REKLAMA!

SHKARKO APP

App Store
Google Play

E fundit!

x

Rama mesazh nga Konventa Ndërkombëtare e Turizmit/ “Shqipërinë e mafies, e kemi lënë në të shkuarën”

3 Prill 2023, 19:21, Politikë CNA

Rama mesazh nga Konventa Ndërkombëtare e Turizmit/

Kryeministri Edi Rama, tha në fjalën e tij në Konventën Ndërkombëtare të Turizmit, se vendin e krimit, mafies e drogës, Shqipëria e ka lënë pas në të shkuarën.

Rama iu kërkoi të ftuarve të bëjnë sa të munden dallimin mes steriotipit të Shqipërisë në mediat e huaja dhe perceptimit të shqisave për vendin ku ndodhen sot.

Kryeministri iu kërkoi pjesëmarrësve nga 38 vendeve të botës, që të ndihen “zotër në shtëpinë tonë”, pasi kështu e shkruan Kodi i shqiptarëve, që “shtëpia është e Zotit dhe e mikut”.

“Shtëpia e shqiptarit është e Zotit dhe e mikut. Kështu shkruan Kodi i shqiptarëve i pari ligj i shkruar i këtij vendi këtu e më shumë se 5 shekuj më parë dhe për sa kohë zoti na vjen në derë përmes atij që shfaqet në pragun e shtëpisë sonë, ky i fundit është zot shtëpie për aq kohë sa qëndron mes nesh. Miq të ardhur në 38 vende të botës, ndihuni zotër në shtëpinë tonë. Shijoni sa të mundeni dallimin mes stereotipin e Shqipërisë në mediat tuaja dhe perceptimit të vetë shqisave tuaja për vendin krejt tjetër ku keni ardhur sot. Ky që shikoni është i vërteti, ndërsa vendi i krimit, i mafies, drogës, prostitutave e plehrave, hajdutëve e lypsave është pjesërisht një vend të cilin ne e kemi lënë pas në të shkuarën dhe pjesërisht që e mban gjallë në retorikën e tyre dashakeqe dhe spekulante vendas dhe të huaj me gojën e tyre apo penën e tyre”, tha Rama./CNA.al





Lajmet e fundit nga