E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Takimi i ministrave të Jashtëm në Romë/ Xhaçka: Integrimi i rajonit rrit besueshmërinë e BE-së

3 Prill 2023, 16:03, Politikë CNA

Takimi i ministrave të Jashtëm në Romë/ Xhaçka:

Ministrja për Europën dhe Punët e Jashtme, Olta Xhaçka, me ftesë të homologut italian, Antonio Tajani, ka marrë pjesë në takimin e Ministrave të Punëve të Jashtme të vendeve të Ballkanit Perëndimor organizuar nga Ministria e Punëve të Jashtme dhe Bashkëpunimit Ndërkombëtar të Republikës së Italisë.

Gjatë fjalës së saj, Ministrja Xhaçka u shpreh se lufta në Ukrainë duket se e ka vetëdijësuar BE-në për faktin që siguria dhe stabiliteti i bllokut është i lidhur në mënyrë të pandashme me sigurinë dhe stabilitetin e Ballkanit Perëndimor.

BE po tregon një qasje më strategjike ndaj rajonit dhe s'ka asnjë dyshim që besueshmëria e perspektivës europiane është një faktor kyç në garantimin e sigurisë dhe stabilitetit të Ballkanit Perëndimor dhe vetë BE, u shpreh ajo.

Takimi i ministrave të Jashtëm në Romë/ Xhaçka:

Ministrja Xhaçka nënvizoi po ashtu frymën e re të bashkëpunimit rajonal në rajon dhe mundësitë e mëdha për bashkëpunim ekonomik e investime strategjike, veçanërisht në sektorin e energjisë që ekzistojnë sot në rajon ku Italia padyshim mund të luajë një rol të rëndësishëm e të mirëpritur.

Ajo falënderoi Zëvendëskryeministrin Tajani për angazhimin e tij ndaj Shqipërisë e rajonit dhe shprehu vlerësimin e Shqipërisë për rolin e rëndësishëm që Italia luan në zhvillimet në rajon.

Në takim, merrnin pjesë edhe Komisioneri për Zgjerimin i BE, Oliver Varhelyi, Ministrat e Jashtëm të Kosovës, Maqedonisë së Veriut, Serbisë, Malit të Zi, Bosnjë Hercegovinës dhe MPJ i Suedisë, Tobias Billström, vend i cili mban Presidencën e radhës së Këshillit. Në takim u trajtuan çështje të bashkëpunimit ndërmjet vendeve të rajonit, por edhe me Bashkimin Europian, veçanërisht në kontekstin e zhvillimeve aktuale gjeopolitike në Europë dhe në botë. Në fokus ishin çështje që kanë të bëjnë me energjinë, sigurinë kibernetike, politikën e jashtme dhe të mbrojtjes, migracionin, si dhe me procesin e integrimit europian të vendeve të rajonit./ CNA.al