LEXO PA REKLAMA!

SHKARKO APP

“Abuzim me 530 milionë lekë”/ Denoncimi i Këlliçit nxjerr zbuluar Veliajn

2 Prill 2023, 10:53, Politikë CNA
“Abuzim me 530 milionë lekë”/ Denoncimi i
Kandidati i Opozitës për Bashkinë e Tiranës, Belind Këlliçi

Kandidati i Opozitës për Bashkinë e Tiranës, Belind Këlliçi, ka nxjerrë zbuluar kryetarin e bashkisë, Erjon Veliajn, me qendrën kulturore të Baldushkut.

Veliaj e ka paraqitur këtë si një sukses dhe investim të rëndësishëm. Këlliçi dëshmoi sot nga afër, se kemi të bëjmë me një rrënojë dhe rreth 530 milionë të hedhura aty, janë abuzuar, janë shpërdoruar.

"Çfarë do t'ju tregoj është diçka shumë interesante, pikërisht që kur vjen nga rruga në ballore e sheh që është gjithçka e lyer bukur, fasada është e pastër, e rregullt, por ajo çka ndodh është realiteti.

Është fasada tjetër, ana tjetër ku nuk duket, ku nuk sheh gjë qytetari i zakonshëm, të lutem kape pak këtë.

Se ka tri vjet që e kam denoncuar dhe vazhdon kështu qendra e Baldushkut, ja kjo është ftyra e vërtetë e Erion Veliajt. Të lutem, shiheni pak, dhe ta garantoj që edhe nga mbrapa është po e njëjta situatë.

Atëherë, me zor po gjenim hyrjen, por që të shihni vetë kush është brenda në Qendrën e Kulturës së Baldushkut që ka investuar kryebashkiaku në Tiranë, hajdeni shiheni brenda vetë se si duket, me sytë tuaj.

Kjo është Qendra Kulturore e Baldushkut, 3 vite pasi e kam denoncuar në fakt që nga 1 nëntori i 2020. Hajdeni këtu, këtu janë hedhur 40 milionë lekë për rikonstruksion dhe 530 milionë lekë në total si investim.

Kjo është, që ta shihni, fytyra e vërtetë e investimeve edhe këto janë standardet.

Hajdeni se kemi katin e dytë, urdhëro të lutem kjo është e gjithë qendra ku janë hedhur 530 milionë lekë të taksapaguesve dhe nuk ka lekë për studentët, për pensionistët, nuk ka lekë për familjet në nevojë, nuk ka lekë për autobusin. Dhe thonë “ku do i gjen Belind Këlliçi lekët?” këtu janë lekët vetëm këtu mund të kursehen 530 milionë lekë, vetëm këtu, këtu janë lekët. 

Nuk do vidhet më, kjo do të ndodhë!

Këtu janë të gjithë lekët e taksapaguesve, të cilët të rrinë të qetë se pas 14 majit nuk do të abuzohet më me paratë e tyre me taksat që japin, pasi nuk do të ketë më maskarada të tilla, vjedhje të tilla dhe abuzime të tilla",denoncon Këlliçi./ CNA.al

 

Lajmet e fundit nga