web counter
LEXO PA REKLAMA!

SHKARKO APP

App Store
Google Play

E fundit!

x

Tërheqjet e njëpasnjëshme të kandidatëve të grupit të “vulës”/ Përnaska: Ndihen të papërfaqësuar

1 Prill 2023, 17:10, Politikë CNA
Tërheqjet e njëpasnjëshme të kandidatëve të grupit
Lajla Përnaska, kandidate e PDIU për bashkinë e Tiranës

Lajla Përnaska, ish-deputetja demokrate dhe tashmë kandidate e PDIU-së për bashkinë e Tiranës në zgjedhjet e 14 majit, ka folur për situatën në të cilën PD ndodhet aktualisht.

Në një intevistë për mediat Përnaska është shprehur se ishte e trishtë që të shikoje PD-në teksa tkurrej çdo ditë e më shumë.

Sipas saj tërheqjet e shumë kandidatëve nga grupi i "vulës" erdhën pikërisht nga zhgënjimi që ata kanë pësuar dhe nuk shohin asnjë alternativë për t’i përfaqësuar në këtë grup.

"Realiteti politik është ky që është PD. Na përjashtoi nga radhët e saj në kohë të ndryshme në ecurinë e viteve jashtë vullnetit tonë personal. Kanë mbyllur dyert sidomos ndaj njerëzve që kishin investim. Ishte e trishtë që ta shihje që shkonte gjithmonë e më shumë drejt tkurrjes. PD ishte strukturuar si një parti shumë e madhe. Shoh një shpërbërje të PD-së dhe fakti është se ne që jemi jashtë strukturave jemi më tepër se ato që janë brenda. Fatkeqësisht vazhdon në një krizë konflikti të brendshëm që nuk prodhon asgjë. Jo sot por qëkur filluan përplasjet me sfurqe dhe me drunj. E djathta është jashtë përfaqësimit. Braktisën zgjedhjet lokale dhe lanë terrenin bosh. PD është e papërfaqësuar. Kjo situatë e krizës së brendshme të PD-së ka bërë që një kontingjent shumë i madhe që janë zhgënjyer janë tërhequr dhe nuk shohim asnjë lloj alternativë dhe ndihen të papërfaqësuar. Janë shumë të paqartë me qëndrimet politike, dhe kjo e ka bërë. Akoma më të pashpresë situatën dhe ka larguar njerëzit nga e djathta", tha ajo./CNA.al





Lajmet e fundit nga