web counter
LEXO PA REKLAMA!

SHKARKO APP

App Store
Google Play

Zbardhen “përplasjet” në PD-në e vulës/ Gazment Bardhi lë pa deputetë Alibeajn

31 Mars 2023, 21:55, Politikë CNA

Zbardhen “përplasjet” në PD-në e vulës/ Gazment

Prej disa kohësh CNA ka raportuar se PD-ja e vulës është ndarë në dy grupe, disa persona mbështesin Enkelejd Alibeajn, e disa të tjerë Gazment Bardhin.

Këto përplasje i ka konfirmuar mbrëmjen e sotme deputeti Saimir Korreshi, i cili ka treguar se çfarë ndodh në PD-në e vulës brenda dyerve të mbyllura.

Korreshi tha në një intervistë me Arian Çanin se në total grupi i Alibashëve përbëhet nga rreth 25 deputetë, 22 prej të cilëve janë me Gazment Bardhin dhe 2 apo 3 me Enkelejd Alibeajn.

“Ka një ndarje. Është reale ndarja. Ne jemi shumë deputetë që mendojmë ndryshe nga Alibeaj në këto momente për nga llogjika dhe mendimi duke parë dhe vlerësimin për atë që ka dhënë në politikën shqiptare Gazment Bardhi. Unë e njoh dhe ai ka bërë denoncimet më të forta. Ai i ka bërë fakte përveçse denoncime e kallëzime. Mendimet e veta i ka finalizuar në prokurori.

Unë mendoj se jemi 25 deputetë që nuk jemi me Berishën. Mund të jenë 22 me Gaz Bardhin, ndërsa me Alibeajn 2-3”, u shpreh ai.

Deputeti theksoi se: “Unë mendoj dhe gjykoj që mbështetja kryesore, por edhe nga ana njerëzore, ka disa elemente më shumë Gazment Bardhi që i ka bërë për vete”./ CNA.al





Lajmet e fundit nga