web counter
LEXO PA REKLAMA!

SHKARKO APP

App Store
Google Play

E fundit!

x

Berisha e akuzoi për bashkëpunim me Ballën/ Justifikohet Alibeaj

31 Mars 2023, 17:38, Politikë CNA

Berisha e akuzoi për bashkëpunim me Ballën/ Justifikohet Alibeaj

Kreu i grupit të “vulës”, Enkelejd Alibeaj ka reaguar në lidhje me deklaratën e kreut të PD-së, Sali Berisha, i cili e akuzon Alibeajn se po bashkëpunon me Taulant Ballën për ligjin e dosjeve dhe lustracionit.

Me anë të një postimi në rrjetet sociale, Alibeaj i cilësoi shpifje akuzat e Berishës dhe se një gjuhë e tillë meriton përçmimin që shqiptarët po i japin politikës së vjetër.

Kreu i grupit të “vulës” theksoi se ligji i dosjeve është ajo çfarë shqetëson ish bashkëpunëtorët e sigurimit të shtetit.

“Akuzat dhe shpifjet në gojën e Sali Berishës, janë refren i njohur në politikën shqiptare. Vazhdoj ti mbetem bindjes se një gjuhë e tillë meriton përçmimin dhe neverinë që tashmë shqiptarët dinë tja japin politikës së vjetëruar. Ajo që Sali Berisha e quan bashkëpunim për ligjin e dosjeve, është thëngjilli që i djeg ish-komunistëve dhe ish-bashkëpunëtorëve të sigurimit të shtetit, që për vite me rradhë përdoren PD-në dhe të djathtën si mburojë të tyren.

Akuzat ndaj familjarëve, janë pikërisht rrjedhojë e shkollës politike të komunizmit dhe biografive, që për dhjetra vite persekutuan shqiptarët.

Ligji për dosjet dhe lustracionin janë domosdoshmëri për shoqërinë shqiptare. Është mënyra për të rivleresuar të shkuarën, për të ndërtuar të ardhmen pa pengjet e një të kaluare që i ka shkaktuar dëme të mëdha shoqërisë sonë”, shkruan Alibeaj./CNA

Berisha e akuzoi për bashkëpunim me Ballën/ Justifikohet Alibeaj





Lajmet e fundit nga