web counter
LEXO PA REKLAMA!

SHKARKO APP

App Store
Google Play

Shpërblimi i pensionistëve/ Rama publikon vendimin e qeverisë

1 Prill 2023, 19:33, Politikë CNA
Shpërblimi i pensionistëve/ Rama publikon vendimin e qeverisë
Kryeministri Edi Rama

Kryeministri Edi Rama ka bërë të ditur se ka firmosur vendimin për shpërblimin ndaj pensionistëve.

Lajmin e ka bërë të ditur nëpërmjet një reagimi në rrjete sociale ku ka bërë publik vendimin e miratuar nga Qeveria.

Kryeministri ka bërë të ditur se kjo është një tjetër masë lehtësuese për pensionistët pas Pakos së Madhe, por ka paralajmëruar se kjo masë lehtësuese nuk do të jetë e fundit për pensionistët.

Ndër të tjera ai ka ironizuar dhe personat të cilët e kanë akuzuar se po shkelte Kodin Zgjedhor.

“Kur thosha do të vendosim taksë të jashtëzakonshme për eksportuesit e mëdhenj të energjisë dhe do t’ua shpërndajmë pensionistëve në prill, ata që ju e dini kush janë, bërtisnin ky është tatimi i jashtëzakonshëm komunist

E bëri BE-ja, e tha edhe këtu Ursula Von Der Leyen që po, kjo është diçka krejt e drejtë në këtë kohë krize dhe e mbyllën përkohësisht gojën.

Pastaj e hapën prapë gojën, duke u qarë hallin pensionistëve se i mashtroi Edi Rama dhe se s’do merrnin asgjë, po kur e dëgjuan që kjo do të ndodhte siç ishte premtuar, u hodhën përpjetë se po shkelej Kodi Zgjedhor! Krejt e pavërtetë, si zakonisht kur ata hapin gojën.

Por ja ku prilli erdhi dhe taksa e jashtëzakonshme mbi fitimet e rëna nga qielli i luftës në arkën e eksportuesve të mëdhenj të energjisë, do të fillojë t‘u shpërndahet pensionistëve, si pjesa më e prekur nga pesha e luftës, po edhe më dinjitozja në qëndresën e saj përballë vështirësive të kohërave.

Kjo është një tjetër masë lehtësuese për ta pas Pakos së Madhe, po nuk është e fundit, sepse ne nuk bëjmë dot sa duam për më të moshuarit, por nuk do të lemë kurrë pa bërë gjithçka mundemi

*më poshtë vendimi i sapofirmosur i qeverisë”, shkruan ai./CNA.al

Shpërblimi i pensionistëve/ Rama publikon vendimin e qeverisëShpërblimi i pensionistëve/ Rama publikon vendimin e qeverisë

 

 

 

 

 





Lajmet e fundit nga