web counter
LEXO PA REKLAMA!

SHKARKO APP

App Store
Google Play

Veliaj "mburret" me kandidatin e PS në Vorë/ "Nder dhe privilegj të përfaqësoheni me Blerim Sherën"

2 Prill 2023, 17:10, Politikë CNA

Veliaj "mburret" me kandidatin e PS në Vorë/ "Nder dhe

Kryebashkiaku Erion Veliaj gjatë takimit me socialistët e Vorës, ftoi banorët që të votojnë kandidatin për Këshill Bashkiak Blerim Shera për një tjetër mandat.

Gjatë fjalës së tij ai u shpreh se qytetarët e kësaj Bashkie nuk duhet ta humbin shpresën duke theksuar se do të jetë nder dhe privilegj për ta që përfaqësimin e tyre ta bëjë Blerim Shera.

“Para se të vija këtu, një nga miqtë që përqafova ishte Geraldo Durda, i cili humbi vëllain e tij të vogël në Gërdec. Partia që organizoi Gërdecin me djalin e Saliut dhe baxhanakun e Saliut e ka të pamundur sot të gjejë një kandidat nga Vora, se çdo demokrati i vjen turp të identifikohet me Gërdecin, i vjen turp të identifikohet me Monikën dhe Ilirin, i vjen turp të identifikohet me Rusinë. Por mos e humbni shpresën, është nder dhe privilegj të identifikoheni me Blerim Sherën dhe Partinë Socialiste.

Ky është opsion më i mirë se sa të sëkëlldisesh me turp edhe me kokën ulur. Si mund të votosh për ata që na hodhën në erë! Si mund të votohet një forcë politike që vetëm bastis, vetëm tradhton dhe vetëm shkel në besë. Si mund të votohet dhe duhet t’i thuhet demokratëve, një forcë që financohet nga rusët. Si mund të votohen njerëz që Vorën e shohin vetëm si tranzit ku shkojnë rrugës për në Lalëz”, u shpreh Veliaj./CNA





Lajmet e fundit nga