web counter
LEXO PA REKLAMA!

SHKARKO APP

App Store
Google Play

Rama: Gjysma e parave të fushatës elektorale do shpenzohen për të mbjellë pemë

3 Prill 2023, 20:44, Politikë CNA
Rama: Gjysma e parave të fushatës elektorale do shpenzohen për
Kryeministri Edi Rama

Në prag të fushatës elektorale, kryeministri Edi Rama ka bërë një premtim gjatë fjalës së mbajtur në Konventën e Turizmit.

Rama tha se gjysma e parave të fushatës elektorale të PS-së për zgjedhjet e 14 majit do të shkojë për mbjellje të fidanëve.

Ao pretendon se në këtë mënyrë do të ulet niveli i karbonit.

“Jemi para zgjedhjeve dhe do të marrim vendim se duke qenë se gjysma e fushatës sonë përkon me periudhën e fundit të mbjelljeve të gjitha takimet tona e mitingjet tona do jenë vetëm për mbjellje dhe paratë e fushatave do të shkojnë për mbjellje. Mendoj që kjo do të jetë fushatë me 0 karbon për gjysmën e saj.

Me këtë lajm që duke qenë se fushata nis me 14 prill dhe mbaron me 14 maj, por duke qenë se deri në fund të prillit është koha e fundit për të mbjellë fidanë, paratë e fushatës për regjira, podiume, mitingje, mikrofona e ndotje akustike do t’i vëmë në dispozicion të fidanëve. Mbase do ta marrin edhe vendet e Europës këtë model”, theksoi kreu i qeverisë./ CNA.al





Lajmet e fundit nga