web counter
LEXO PA REKLAMA!

SHKARKO APP

App Store
Google Play

Kumbaro: Sfida jonë, të zhvillojmë turizmin në bashkëjetesë harmonike me mjedisin 

4 Prill 2023, 14:40, Politikë CNA
Kumbaro: Sfida jonë, të zhvillojmë turizmin në
Ministrja e Turizmit dhe Mjedisit, Mirela Kumbaro

Forumi ndërkombëtar “E ardhmja e turizmit të qëndrueshëm dhe mjedisor në Shqipëri” nisi ditën e dytë të punimeve me panelin e parë tematik “Roli i qeverive në formësimin e agjendave të së ardhmes”. 

Pjesëmarrës në këtë panel i cili moderohej nga Alessandra Priante, drejtoreshë e Organizatës Botërore të Turizmit për Europën,  ishin ministra e zyrtarë të lartë të sektorit të turizmit nga vendet e Ballkanit e Europës. 

Në fjalën e saj, ministrja e Turizmit dhe Mjedisit Mirela Kumbaro u shpreh se Shqipëria paraqet një rast të veçantë të kombinimit të sektorit të turizmit dhe mjedisit në një portofol me qëllimin për t’i parë si plotësues të njëri-tjetrit. 

“Ka një perceptim publik që politikëbërësit dhe ekspertët kanë krijuar se turizmi dëmton mjedisin dhe mjedisi duhet të mbrohet nga turizmi, por sa më shumë i konsiderojmë armiqësore, aq më shumë e thellojmë problemin. Ndërkohë, nëse të dyja i konsiderojmë plotësuese, turizmin e qëndrueshëm dhe të përgjegjshëm, e cila është dhe tema që na mbledh, aq më shumë mbrohet mjedisi duke u kthyer në mjet edukimi dhe bashkëjetesë, siç natyra na e ka dhënë. Mjedisi nuk mund të jetë një kopsht zoologjik i izoluar, sepse njerëzit janë pjesë e ekosistemit mjedisor. Si një lloj ekuilibiri, Shqipëria i ka vënë në portofol: për të zhvilluar turizmin ne mënyrë të qëndrueshme dhe mbrojtur mjedisin”, u shpreh ministrja Kumbaro. 

Në fjalën e tij, Sekretari i Përgjithshëm i Organizatës Botërore të Turizmit, Zurab Pololikashvili u shpreh se detyra jonë është të sjellim këtu inovacion, investime, arsim, edukim dhe të gjithë dijen dhe njohuritë tona. Roli ynë ndonjëherë është të rekomandojmë se çfarë nuk duhet të bësh në disa vende. Pas këtyre dy ditëve kemi parë që Shqipëria po bën gjëra interesante dhe ka sfida në vend, prandaj kemi ardhur, për të promovuar dhe të falënderoj zj.Mirela për lidershipin”. /CNA.al

 

 





Lajmet e fundit nga