web counter
LEXO PA REKLAMA!

SHKARKO APP

App Store
Google Play

Markata e shijes së “hidhur”/ Projekti i dështuar 1.1 milion euro i Bashkisë Korçë

4 Prill 2023, 19:41, Politikë CNA

Markata e shijes së “hidhur”/ Projekti i dështuar 1.1

Ledina Aliolli, kandidatja e opozitës për Bashkinë Korçë në zgjedhjet e 14 majit, ka treguar se si markata në qytetin e Korçës ishte një investim i cili kishte si qëllim vjedhjen e qytetarëve të qytetit.

Aliolli deklaroi se “Markata e Shijës”, investimi prej 1.1 milion eurosh, ka vetëm 35 vende të shfrytëzuara nga tregtarët në vend të 105 vendeve të planifikuara.

Më tej ajo ka renditur edhe disa nga problematikat kryesore në këtë markat si mungesa e blerësve, taksat e larta dhe mungesa e higjenes.

"Markata e shijes (së hidhur)!

Në një nga qendrat e “rilindura” të Bashkisë Korçë, në “Markatën e shijes” që u prezantua me pompozitet nga drejtuesit e Bashkisë Korçë, ajo që të vret syrin është shija e hidhur e dështimit të kësaj Bashkie, pas financimit prej 1.1 milion eurosh për ngritjen dhe funksionimin e saj.

Vetëm pak vite nga çelja e Markatës, edhe kësaj fasade me qëllim vjedhjen nëpërmjet një investimi të kushtueshëm dhe pa perspektivë i ka dalë boja.

Vetëm 35 vende të shfrytëzuara nga tregtarët, në vend të 105 hapësirave të planifikuara me entuziazëm rilindas.

- Mungesa e fuqisë blerëse (shije e hidhur);

- Taksat bashkiake të rritura (shije e hidhur);

- Mungesa e pastrimit të mjediseve rreth e qark godinës (shije e hidhur);

Investim i hidhur, shije e hidhur, Bashki që hidhëron", shkruan ajo./CNA.al

 





Lajmet e fundit nga