web counter
LEXO PA REKLAMA!

SHKARKO APP

App Store
Google Play

"Zgjedhjet e 14 Majit, momente historike"/ Berisha thirrje qytetarëve, krah kandidatit të Hasit

4 Prill 2023, 17:57, Politikë CNA

"Zgjedhjet e 14 Majit, momente historike"/ Berisha thirrje

Kreu i Partisë Demokratike, Sali Berisha gjatë prezantimit të kandidatit të koalicionit “Bashkë Fitojmë”, Miftar Dautin në Has është shprehur se me të, zgjedhjet në 14 Maj do të ndajnë histori për Hasin dhe shqiptarët.

Gjatë fjalës së tij Berisha u bëri thirrje qytetarëve që të dalin krah Dautit për zgjedhjet vendore.

Kryedemokrati tha se misioni i tyre është i njëjtë me atë të vitit 1992, por kësaj here sipas tij demokratëve do tu duhet të rrëzojnë monizmin e dytë.

"Vi sot për të paraqitur këtu kandidatin e koalicionit "Bashkë Fitojmë" Miftar Dautin. Qytetarin e parë të Hasit. Në 32 vite kjo paraqitje është më dinjitozja, sepse Dauti paraqitet para jush është sot si kandidati juaj. Me këtë akt me primaret në u ndamë në mënyrë përfundimtare nga një formë e vjetër përfaqësimi, ne zgjodhëm formën e re të përfaqësimit. Ne paraqesim kandidatët e lirisë kudo që shkojmë. Është e vërtetë që në 14 maj zgjedhim qeveritarët vendorë, por në 14 maj jemi në një mision të madh, një mision identik me atë që ishim në vitin 1992, për tu ndarë nga monizmi i dytë, regjimi më i keq që shqiptarët kanë njohur pas Enver Hoxhës në historinë e tyre.
Hasi dhe hasjanët e kanë të freskët dhe nuk e harrojnë kurrë vuajtjet, kalvarin e monizmit të parë që bazohej në doktrinën marksiste-leliniste, kasaphanën e luftës së klasave, hiperkolektivizmin e çmendur. Por monizmat nuk janë vetëm ideologjik. Historia e njerëzimit ka faktuar se monizmat janë katastrofat më të mëdha që kombet përjetojnë në historinë e tyre. Sot pas 32 vitesh, një njeri, një lloj si në vitin 1990, ka në dorë të gjitha pushtetet, ka në dorë çdo gjë në këtë vend. Kontrollon çdo pushtet. Për këtë njeri, kushtetuta nuk ekziston, ligjet nuk ekzistojnë, normat morale nuk ekzistojnë. Ky njeri sillet ndaj shqiptarëve, ndaj hasjanëve si një armik i egër i tyre, regjimi i tij është regjimi i një pushtimi të brendshëm”, u shpreh Berisha./CNA





Lajmet e fundit nga