web counter
LEXO PA REKLAMA!

SHKARKO APP

App Store
Google Play

Abuzimi me fondet në zgjedhjet e 2021-shit/ Kim: Po presim ende të merren masa

4 Prill 2023, 19:13, Politikë CNA
Abuzimi me fondet në zgjedhjet e 2021-shit/ Kim: Po presim ende të
Ambasadorja e SHBA në Tiranë, Yuri Kim

Raporti i ODIHR-it për zgjedhjet e prillit të 2021-shit paraqiti gjetje për shitjeblerjen e votës dhe abuzimin e kepërdorimin e fondeve shtetërore.

Por ndonëse kanë kaluar dy vite, ambasadorja e SHBA në Tiranë, Yuri Kim, tha mbrëmjen e sotme se po pret të merren masa.

Kim deklaroi në një intervistë për Zërin e Amerikës se SHBA po pret që qeveria shqiptare dhe personat që janë përgjegjës, përfshi Komisionin Qendror të Zgjedhjeve dhe udhëheqësit politikë, të bëjnë hapa konkretë lidhur me këtë çështje.

“Qëndrimi i SHBA-ve për sa i përket zgjedhjeve të lira dhe të ndershme është shumë konseguent dhe shumë i qartë. Pritshmëria jonë është që një vend si Shqipëria, një vend anëtar i NATO-s dhe që aspiron për anëtarësim në Bashkimin Europian, do të bëjë më të mirën që të sigurojë që zgjedhjet të zhvillohen në përputhje me standardet dhe normat ndërkombëtare. E dimë që ka vend për përmirësim.

Pamë në raportin e ODIHR-it për zgjedhjet e prillit 2021 që u vunë re mangësi, të cilat përfshijnë blerjen e votës. Përfshijnë abuzimin dhe kepërdorimin e fondeve shtetërore, gjë që flet për politizimin e disa elementeve dhe aktiviteteve të administrimit. Presim që qeveria shqiptare dhe ata që janë përgjegjës, aktorët përgjegjës, përfshi Komisionin Qendror të Zgjedhjeve dhe udhëheqësit politikë, do të marrin masa”, theksoi diplomatja amerikane./ CNA.al





Lajmet e fundit nga