web counter
LEXO PA REKLAMA!

SHKARKO APP

App Store
Google Play

“Brenda muajit të parë ndryshon filozofia”/ Plani i Këlliçit për të riformatuar Policinë Bashkiake

4 Prill 2023, 21:51, Politikë CNA
“Brenda muajit të parë ndryshon filozofia”/ Plani i
Kandidati i opozitës për bashkinë e Tiranës, Belind Këlliçi

Kandidati i opozitës për bashkinë e Tiranës, Belind Këlliçi, ka treguar planin e tij për Policinë Bashkiake.

Këlliçi tha në një intervistë me Alba Alishanin se që në muajin e parë të punës nëse zgjidhet kryebashkiak, do të ndryshojë filozofinë e policisë.

Ai deklaroi se do përmirësojë cilësinë e shërbimit të policisë bashkiake për qytetarët, duke minimizuar gjobat ndaj qytetarëve.

“Brenda muajit të parë ndërron filozofia. Unë besoj fort që institucionet marrin fytyrën dhe imazhin e drejtuesit edhe policia ka marrë fizionominë e kryetarit të bashkisë. Policia ka qëllim të jetë është në shërbim në komunitetit dhe jo t’i vërë gjobë qytetarit dhe t’i shtrëngojë lakun në fyt. Jam hasur me raste ekstreme ku edhe në fshat janë gjobitur me 38 milionë lekë për rindërtimin e shtëpisë për një shtëpi që vlente 20 milionë lekë të vjetra, ndërkohë që në sheshin Skënderbej ekziston një kullë 50 metra nga zyra e kryetarit të bashkisë nuk e ka parë që është ndërtuar 7 kate pa leje.

Me mua policia do të jetë në shërbim të qytetarit, nuk do të vjelë më 3.8 milionë euro gjoba në vit nuk do gjobiten me 1 mijë gjoba në ditë qytetarë e Tiranës është rekord. Drejtori i Policisë bashkiake i kërkon punonjësve që; a i keni bërë a jo like kryebashkiakut. Unë kam qasje tjetër dhe uroj që pas 14 majit të jetë i prekshëm përmirësimi i cilësisë së shërbimit të qytetarëve. Nuk duhet të jenë patronazhistë e aktivistë”, theksoi kandidati i opozitës për kryeqytetin./ CNA.al





Lajmet e fundit nga