web counter
LEXO PA REKLAMA!

SHKARKO APP

App Store
Google Play

E fundit!

x

Kosova mungonte në hartën e Spanjës në Konventën e Turizmit/ Rama: Nuk i erdhi gjë e keqe kombit

5 Prill 2023, 17:19, Politikë CNA
Kosova mungonte në hartën e Spanjës në Konventën e
Kryeministri Edi Rama

Në Konventën ndërkombëtare të turizmit që u mbajt dje në Tiranë, gjatë prezantimit të një kompanie nga Spanja, në prapavijë të panelit ndodhej një hartë, ku Kosova tregohej si pjesë e Serbisë.

Pas kritikave të ashpra për këtë çështje, ka ardhur një reagim nga kryeministri Edi Rama.

Me anë të një statusi në rrjetet sociale, Rama thotë se Shqipëria nuk është Irani që i kontrollon të ftuarve prezantimet e në rastin tonë Spanjës, e cila nuk e njeh Kosovën si shtet të pavarur.

Ai deklaron se kombit nuk i erdhi asgjë e keqe nga dalja e asaj hartë për një minutë.

“Kinse patriotët kanë gjetur punë sot duke u marrë me një hartë të prezantimit të presidentit të gjigandit spanjoll Melia Group në Konventën e Turizmit, ku mungonte Kosova! Dihet që Spanja ashtu e ka hartën e rajonit po asgjë e keqe s’i erdhi kombit nga dalja 1 minutë e asaj harte!

Shqipëria s’është Irani ku të ftuarve në konferenca ndërkombëtare u kontrollohen prezantimet dhe as konventa s’ishte sheshbeteja diplomatike për njohjen e Kosovës nga Spanja! E keqja kombit tonë i vjen bash nga ata që merren tërë ditën me kësi luftrash pa lidhje mes shqiptarësh!”, shkruan Rama./ CNA.al





Lajmet e fundit nga