web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi- Vjedhje me shtrimin e asfaltit elektoral/ Bashkia Tiranë i jep tender një subjekti

5 Prill 2023, 11:22, Politikë CNA

Denoncimi- Vjedhje me shtrimin e asfaltit elektoral/ Bashkia Tiranë i jep

Zëdhënësja e fushatës së kandidatit të opozitës për Tiranën, Silvi Bardhi ka nxjerr në dritë një tjetër vjedhje që po bëhet nga Bashkia e Tiranës.

Në një deklaratë për mediat, ajo u shpreh se në rrugën Islam Alla në kryeqytet po bëhet një shtrim elektoral, një tender me 60 milionë euro që Bashkia Tiranë ia ka dhënë një subjekti privat, por punimet i bëjnë njerëzit  e bashkisë.

Bardhi theksoi se kjo është një shkelje flagrante e ligjit dhe se nuk është hera e parë që kjo ndodh.

“Tani që po flasim, në Tiranë po bëhet një vjedhje.

Rast i përsëritur për fat të keq.

Bashkia prokuron miliona lekë, të taksave të qytetarëve, tek një operator, por punën e bëjnë mjetet dhe njerëzit e bashkisë.

Edhe këto, me kosto që mbulohen po nga taksat e qytetarëve.

Në rrugën 'Islam Alla', po bëhet një shtrim elekoral, një shtresë zifti zgjedhore, prej 60 milionë lekësh.

Por, siç tregojnë dëshmitarët, siç duket nga këto pamje dhe foto që po bëjmë publike, punimet i bën bashkia, edhe pse paratë ja ka dhënë një subjekti.

Kjo që po ndodh, është një shkelje e ligjit që bëhet në mes të ditës.

Paniku elektoral që ka mbërthyer Veliajn, nuk duhet të çojë në abuzim, shpërdorim detyre e shkelje ligji. Përgjegjësit për këtë do të dalin para ligjit.

Ne jemi që rrugët në Tiranë të asfaltohen, të rregullohen, e të realizohen projekte që u shërbejnë qytetarëve.

Por ligji është interesi më i lartë publik, dhe ai nuk mund të shkelet as nga Erjon Veliaj, edhe pse ky i fundit i ka dhënë vetes shumë imunitet e beson se ka një status special, ndryshe nga qytetarët e Republikës. Ai mendon se drejtësia i bën trajtim preferencial.

Por ndryshimi po vjen. Dhe drejtësinë e madhe e kanë në dorë qytetarët me 14 maj. Për të ndaluar të tilla praktika korruptive, për t’i dhënë ndëshkimin atyre që sillen sikur janë mbi ligjin”, tha ajo./CNA.al

 

 





Lajmet e fundit nga