web counter
LEXO PA REKLAMA!

SHKARKO APP

App Store
Google Play

E fundit!

x

Berisha “shigjeton” kandidatët e PS-së/ Vijnë nga bodrumet e mafies

5 Prill 2023, 20:06, Politikë CNA
Berisha “shigjeton” kandidatët e PS-së/ Vijnë nga
Kreu i PD-së, Sali Berisha

Kreu i PD-së, Sali Berisha ka “shigjetuar” kandidatët e Partisë Socialiste gjatë një takimi me qytetarët e Divjakës, ku prezantoi kandidatin për bashkinë Aurel Malko.

Berisha tha se kandidatët e mazhorancës kanë ardhur në pushtet nga bodrumet e mafies, ndërsa ata të opozitës do të jenë shërbëtorë të qytetarëve dhe do të përdorin taksat e tyre me transparencë.

Ai theksoi se kandidatët e PS-së, janë vëllezër në vese me kreun e tyre, janë të sprovuar në aktet e vjedhjes dhe shpërdorimit.

“Për mua dhe për ju sot është një ngjarje shumë e veçantë, sepse në 32 vite ne kemi paraqitur periodikisht kandidatët tanë për qytetarë të parë të Divjakës, për deputetë, por sot ne paraqesim për herë të parë si kandidat tuajin për qytetar të parë, njeriun që keni zgjedhur vetë. Njeriun që ju i keni besuar këtë detyrë, njeriun që me guxim është paraqitur para jush me besimin se do të meritonte votën tuaj.

Ne në këtë proces, vendosëm një standard të ri, i cili në thelb nuk ka asgjë tjetër veçse respektimin e dinjitetit tuaja, respektimin e vullnetit tuaj. Kjo na mungonte dhe këtë ne e rivendosëm për ta mbajtur njëherë e përgjithmonë mes nesh.

Kandidatët tanë kudo që janë, vijnë ballëhapur para qytetatëve, vijnë pasi janë provuar, besuar nga vullneti i tyre. Kandidatët e krahut tjetër vijnë nga bodrumet e mafias, vijnë në një mënyrë që askush nuk e merr vesh.

Dje isha në Has. Kandidati i Hasit kishte dy emra dhe 4-5 arrestime. Ishte si puna e atij, që keni para këtij Gorresë, si puna e Kokoneshit. Kandidatët e krahut tjetër në tërësi, janë vëllezër në vese me kreun e tyre, janë të sprovuar në aktet e vjedhjes dhe shpërdorimit. Por ata kanë një tipar të përbashkët, ata për qytetarët nuk duan të ja dinë, atyre nuk ua ndjen aspak për problemin e qytetarë.

Ju garantoj se Aureli dhe të gjithë kandidatët e primareve, janë dhe do jenë shërbëtorë tuaj. Janë dhe do të jenë menaxherë, drejtues me transparencën më të madhe të kësaj bashkie dhe çdo bashkie. Se ata në standardet më transparente do të përdorin çdo qindarkë të taksave tuaja apo burimeve tjera, për të ju mbështetur ju, fermat tuaja, biznesin tuaj, ndryshimin, infrastrukturën, pra për një zhvillim të pandërprerë të komunitetit dhe bashkisë”, thekson ai./ CNA.al





Lajmet e fundit nga