E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Diplomatja e BE-së, Christiane Hohmann/ “Në Parlament mungon opozita e vërtetë”

6 Prill 2023, 10:53, Politikë CNA

Diplomatja e BE-së, Christiane Hohmann/ “Në Parlament mungon

Diplomatja e Bashkimit Europian, Christiane Hohmann

Diplomatja e Bashkimit Europian, Christiane Hohmann, e ftuar në një intervistë për emisionin “Top Story”, u pyet se përse nuk u takua zyrtarisht me kreun aktual të PD-së, Enkelejd Alibeaj, kur erdhi në Shqipëri.

Thelbi i përgjigjes ishte ajo që besojnë në fakt të gjithë shqiptarët: "Nuk ka opozitë vendimmarrëse në Parlament që të luajë rolin e saj në kontrollin dhe balancën e pushtetit".

Pyetja: Ju përmendët rëndësinë e parlamentit dhe të trupës parlamentare në këtë proces, ndërkohë që jeta parlamentare midis qeverisë dhe opozitës është në momente të vështira për shkak të përçarjes së opozitës shqiptare, të themi më qartësisht, të Partisë Demokratike. Në dijeninë time, kur ju keni ardhur në Shqipëri në fillesë, nuk e keni takuar zyrtarisht, me shpejtësinë e duhur ose të pritshme, Enkelejd Alibeajn. Pse ndodhi kjo dhe a është normalizuar apo e keni lënë përsëri në një lloj periferie pjesën zyrtare të Partisë Demokratike, siç quhet?

Ambasadorja: Jo, çështja është se ne ndërveprojmë me ata deputetë që janë vendimtarë, veçanërisht për procesin e integrimit europian. Pra, që është Komisioni për Integrimin Europian dhe gjithashtu Këshilli Kombëtar, me të cilët kam shumë ndërveprim dhe është shumë e rëndësishme t’i kemi të gjitha partitë aty, sepse nëse dëshironi të keni një demokraci të gjallë, gjë që, në fakt, është ajo për çka përpiqemi në demokraci, jo vetëm që ju duhet qeveria dhe shumica, por gjithashtu keni nevojë edhe për sistemin e kontrollit dhe balancimit, që do të thotë një opozitë e fortë, që në të vërtetë mund të udhëheqë, me shumicën, debatet për qasjen më të mirë, cilat janë idetë më të mira. Dhe kjo është ajo që, natyrisht, pa komentuar betejat e brendshme në partitë politike, mungon për momentin. Nuk kemi një opozitë të fortë për ta luajtur atë rol të kontrollit dhe balancimit në parlament."

Nuk besohet se kjo deklaratë do e bëjë Alibeajn të kuptojë. Alibeaj nuk sheh përtej hundës së vet dhe nuk dëgjon përtej zërit të vet. Dhe Gazi si vendimmarrës nuk trondit dot as kostumin e vet, e jo më të bëjë Alibeajn të ndryshojë gjë nga stoicizmi i vet prej deliranti./ CNA.al