web counter
LEXO PA REKLAMA!

SHKARKO APP

App Store
Google Play

E fundit!

x

Gazetari tregon "meritat" e Ëngjëll Agaçit

6 Prill 2023, 10:41, Politikë CNA
Gazetari tregon "meritat" e Ëngjëll Agaçit
Engjell Agaçi

Gazetari Klodian Tomorri ka treguar “meritat” e sekretarit të Përgjithshëm të Këshillit të Ministrave, Ëngjëll Agaçi.

Përmes notave ironike, Tomorri nxjerr zbuluar Agaçin nga paligjshmëritë që ka bërë kur kaloi për miratim në qeveri vendimin e koncesionit me negocim të drejtpërdrejtë për inceneratorët.

Më tej Tomorri përmend edhe çështjen “Becchetti” duke kujtuar drekën e Agaçit me biznesmenin italian, të cilin e paralajmëronte që të mos bënte opozitë me qeverinë.

Postimi i plotë i gazetarit Klodian Tomorri:

Kur meritat duhen njohur

Në çdo punë të mirë që ka bërë qeveria, një meritë të pazëvendësueshme ka pasur zoti Ëngjëll Agaçi. Tek inceneratorët që pastruan Shqipërinë nga plehrat, zoti Agaçi pati një rol kyç në përshpejtimin e procedurave dhe vajisjen e ingranazhit burokratik, kur lejoi për miratim në qeveri atë vendimin e koncesionit me negocim të drejtpërdrejtë. Madje duke rrezikuar edhe veten, pasi Agjencia e Prokurimeve i kishte thënë me shkresë që negocimi i drejtpërdrejtë është i paligjshëm.

Jo vetëm kaq, por roli i tij ishte i pazëvendësueshëm edhe në një drejtim tjetër, teksa me punë të palodhur ditë e natë mezi i mblodhi dhe i bëri gati ato 17 vendimet që u miratuan për një ditë në qeveri.

Te kjo çështja e Becchetti-t po ashtu bëri një punë shumë të mirë kur shkoi hëngri atë drekën dhe i tha Becchetti-t që nuk është ide e mirë t'i bësh opozitë qeverisë. Ajo drekë demaskoi para shqiptarëve fytyrën e vërtetë të Becchetti-t, edhe pse Gjykata e Arbitrazhit na vuri një gjobë të vogël 108 milionë euro plus interesa dhe kamata.

Por sekretari i përgjithshëm i Kryeministrisë ka bërë punë shumë të mira edhe me studiot avokatore që pajton Shqipëria në gjyqet e arbitrazheve. Por këto janë merita të vogla, që nuk i përmend njeri.

Ja kështu. Kur ka vullnet dhe dëshire për punë, çdo gjë arrihet./ CNA.al





Lajmet e fundit nga